[香港Staycation] 皇家加勒比國際郵輪 海洋光譜號Seacation公海遊
唔知大家留喺香港有咩娛樂活動呢？疫情下相信都離不開行山、戶外活動、Staycation、甚至係Flycation。如果你已經玩到悶，近期終於有新嘢俾你玩喇！全球三大郵輪之一嘅皇家加勒比國際郵輪，旗下嘅海洋光譜號就推出香港出發嘅公海Seacation航程，航程為二至四晚嘅海上假期。船上餐廳選擇眾多，但更大賣點係娛樂設施勁多，真係玩足幾日都唔怕悶啦！
立即預訂：www.klook.com
提提你
搭乘Seacation必須：
1. 持有香港身份證之香港居民
2. 已在登船日14天前接種2劑新冠疫苗（持有醫療證明不適合接種疫苗除外）
3. 登船日前48小內進行核酸檢測，且報告結果為陰性
4. 登船前14天以內沒有到訪或途經特區政府發出禁止來港極高風險地區
加倍放心嘅Seacation安排
1. 全面檢測：所有12歲或以上旅客必須於出發前最少14日完成2019冠狀病毒病疫苗接種。而所有旅客亦須於登船前48小時內收到COVID-19核酸檢驗陰性報告，並於碼頭使用安心出行應用程式
2. 100%新鮮過濾空氣：遊輪上嘅通風空調（HVAC）系統持續向室內供應100%新鮮及已過濾空氣
3. 醫療級清潔標準：皇家加勒比國際遊輪使用醫療級認證消毒劑及技巧 (例如靜電霧化器)，可頻繁並持續地清潔遊輪
4. 升級醫療設施與專家護理：專業嘅醫生同護士、升級嘅設施，設備和完善嘅護理計劃
5. 減少載客量，擴大社交距離：船上載客量不多於平時嘅50%，讓旅客與旅客之間嘅保持距離
海洋光譜號Seacation航程（郵輪公司提供最少兩晚至最多四晚香港公海海上假期）
第一天：19:00於香港啟德郵輪碼頭登船
第二至四天：海上航行
第五天：07:00 香港啟德郵輪碼頭離船
客房種類
海洋光譜號斥巨資打造，並為超量⼦系列嘅第⼀艘遊輪。郵輪分為多個客房級別，但因應郵輪公司減少載客量，所以Seacation期間只提供套房、豪華海景露台房、海景露台房及海景房，而所有內艙客房喺Seacation期間暫無提供服務。所有房間都非常彈性，可以選擇兩張單人床或合拼而成嘅雙人床，部份客房之梳化更可以變成梳化床，令每間房間入住人數最多為4人。至於浴室乾濕分離，並以客房等級分為淋浴或浸浴，至於個人用品則提供牙刷、牙膏，自家品牌嘅沐浴露、洗頭水同護髮素。另外，房內亦有提供拖鞋、風筒、水煲、茶包及咖啡包等基本設施。當然客房級別越高，房內所提供嘅設施就越多啦！
餐廳選擇
Seacation package分為免費及收費餐廳，大部份餐廳都要提前預約。免費餐廳嘅數量唔少，而且每餐都會有唔同menu，所以如果唔想額外俾錢，其實食足幾日都唔會食到厭。當然最受歡迎嘅就係位於郵輪頂層嘅帆船自助餐廳，而為咗迎合亞洲人口味，自助餐廳更提供Noodle Bar添。另外，想食得舒服啲嘅就可以選擇郵輪底層嘅主餐廳，餐廳提供多個菜式選擇，由頭盤、主菜及甜品都有專屬嘅侍應提供服務。除咗2間餐廳，郵輪仲有多間免費小食店及深宵提供服務嘅免費餐廳，例如戲水餐廳、泳池霜淇淋同熱狗屋等。至於收費餐廳就有機器人酒吧、Chops grill牛排館、Jamie’s Italian、泉Izumi、大董意境坊、川谷薈、海涵火鍋、270咖啡館、鐵板燒、咖語茶道、L記甜品同客房送餐服務。
娛樂活動
郵輪Seacation除咗賭場之外，其實每日都會提供時間表，等大家好好計劃行程，當然部份活動需要提前預約或需要額外收費啦！但講到郵輪玩Seacation，我哋最鍾意就係睇show，每晚都會有多場精彩嘅節目表演，計住預留時間欣賞呀！
另外，除咗靜態嘅節目，郵輪亦有提供多種動態活動，例如室內外泳池、健身室、乒乓球室、緩跑徑、藍球場、攀石場等。
北極星
北極星可以話係海洋光譜號嘅標誌性設施！北極星觀光層會上升至海拔300尺，可以360度所賞景觀。
南極球
另一個標誌性設施就係南極球，球內設有4個跳彈床，仲可以結合VR技術及極限彈床，體驗視覺歷險體驗。
海上多功能運動場
多功能運動場除咗提供唔同嘅運動課程，仲可以遙身一變成為全球首設嘅郵輪碰碰車場及滾軸溜冰場，每次嘅碰碰車時段都深受大小朋友喜愛。
除咗以上3個嘅標誌性設施，郵輪內仲有滑浪設施、體驗空中飛人嘅模擬管道等，所以喺郵輪玩Seacation，真係絕對唔會悶。
海洋光譜號小資料
排水量：168,666噸
甲板樓量：16層
首航年份：2019年
最高載客量：4246人
最多船員數目：1551人
注：以上所有相片均由A姐M佬於COVID-19前，即2019年12月拍攝
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
皇家加勒比國際郵輪 – 海洋光譜號 Royal Caribbean – Spectrum of the Seas
立即預訂Seacation：www.klook.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
