【瑞士日內瓦酒店住宿推介】日內瓦萬豪酒店Geneva Marriott Hotel

【瑞士日內瓦酒店住宿推介】疫情令我哋好多嘅旅行計劃都改變又或者取消，差啲忘記咗旅行嘅感覺。我哋今次決定快閃瑞士（Switzerland）日內瓦（Geneva），尋找瑞士山區肺。我哋今次旅程入住萬豪旅享家（Marriott Bonvoy）旗下啱啱新開嘅日內瓦萬豪酒店 （Geneva Marriott Hotel），酒店位置方便，設計時尚實用。

瑞士日內瓦酒店住宿推介 | 日內瓦萬豪酒店 Geneva Marriott Hotel – 酒店大堂

瑞士日內瓦酒店住宿推介 | 日內瓦萬豪酒店（Geneva Marriott Hotel）位於瑞士日內瓦（Geneva），酒店設有接駁巴士，由日內瓦機場（Aéroport international de Genève GVA）5-10分鐘車程就可以到達酒店，搭電車15-20分鐘就可以去到市中心，非常方便。酒店大堂廣闊舒適，設計時尚實用，相連酒店酒吧同餐廳。我哋特別鍾意高樓底嘅設計，日光由天花玻璃窗射入嚟。

瑞士日內瓦酒店住宿推介 | 日內瓦萬豪酒店 Geneva Marriott Hotel – 客房區域

瑞士日內瓦酒店住宿推介 | 日內瓦萬豪酒店（Geneva Marriott Hotel）共設有263間客房及套房，我哋今次就被安排入住4樓嘅大床房。房間設有大床，床褥軟硬適中，床燈柔軟，非常舒服；枕頭總共有4個，2個係偏軟2個係偏硬。床頭位置設有插頭同燈掣，夠晒方便。窗簾嘅遮光度十足，絕對可以瞓到自然醒。

酒店為咗響應環保，房間無擺放印刷紙品，大家可以喺客房電視睇到酒店資訊、in-room dining餐牌等，而且無提供膠樽水，反而有兩個酒店限定嘅水樽，印有日內瓦地標，可以拎走留念，好有心思。

酒店仲設有梳化同工作枱，想喺房間工作同休息都無問題！房間設有茶包、咖啡包，迷你雪櫃、風筒、夾萬、熨斗同熨衫板，設備非常齊全。

瑞士日內瓦酒店住宿推介 | 日內瓦萬豪酒店 Geneva Marriott Hotel – 浴室區域

瑞士日內瓦酒店住宿推介 | 浴室面積適中，光線充足，房間設有淋浴區，個人用品係ThisWorks品牌，有洗頭水、沐浴露、護髮素、潤膚露同番梘。因為酒店響應環保，所以個人用品係大支裝，減少使用塑膠，而其他用品例如：牙刷、牙膏、剃鬚刀等，就要打電話叫職員另外送上。

瑞士日內瓦酒店住宿推介 | 日內瓦萬豪酒店 Geneva Marriott Hotel – 健身室

瑞士日內瓦酒店住宿推介 | 日內瓦萬豪酒店（Geneva Marriott Hotel）設有健身室，不過我哋今次無時間去，同唔到大家分享。

瑞士日內瓦酒店住宿推介 | 內瓦萬豪酒店 Geneva Marriott Hotel – 酒店餐廳

瑞士日內瓦酒店住宿推介 | 酒店於大堂設有餐廳Moments – Social Eatery同酒吧Lounge and Bar，提供國際菜式。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

內瓦萬豪酒店 Geneva Marriott Hotel
地址：Chem. du Ruisseau 1, 1217 Genève, Switzerland
預訂網址：hk.trip.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com