安道爾旅遊玩甚麼？9個安道爾必去必食的安道爾旅遊好去處

唔知你認唔認識安道爾呢？安道爾係一個歐洲小國，面積比香港細一半，全國山多平地少，平均海拔高達1,100米，所以冬天係一個滑雪勝地，而且安道爾係一個低稅額國家，所以成為歐洲人嘅購物天堂。雖然安道爾係一個以旅遊業為主嘅國家，但呢個地方究竟有咩旅遊景點呢？即刻睇吓安道爾旅遊9個必去必食嘅安道爾旅遊好去處啦！

1. 安道爾旅遊好去處：Pont Tibetà de Canillo

大部份人去安道爾旅行都係自駕遊，所以安道爾嘅交通唔算太方便，市內只有六條巴士路線，班次每30分鐘左右一班。如果要去Pont Tibetà de Canillo，就可以坐L4至Canillo落車，再出示網上門飛，免費轉乘景臣巴士就可以去到Pont Tibetà de Canillo。呢條吊橋高1884米，連接住兩座山，全長603米，大風嘅時候橋就會搖下搖下，真係少啲膽量都唔掂呀！

2. 安道爾旅遊好去處：Mirador Roc Del Quer

去Pont Tibetà de Canillo，都會順路去埋Mirador Roc Del Quer。Mirador Roc Del Quer係一個觀景台，可以睇晒成個Canillo同附近山勢嘅景色，真係好壯觀架！

3. 安道爾旅遊好去處：Les Escaldes observation point

係安道爾市中心其實無任何觀景台，而Les Escaldes observation point亦只係公路旁嘅一個不知名位置，但因為可以睇晒整個安道爾城嘅景色，而成為去安道爾一個必去嘅景點。

4. 安道爾旅遊好去處：Noblesa del temps – de Salvador Dalí

要數安道爾嘅地標，就絕對係《永恆的時間》 立體雕塑，代表住時間永不停步。嚟到安道爾，點都要同呢個地標影張相打卡！

5. 安道爾旅遊好去處：Sant Esteve Church

安道爾面積雖小，但作為一個天主教國家，境內有唔少天主教教堂，其中呢間Sant Esteve Church就係安道爾嘅古建築，值得大家入去細味參觀。

6. 安道爾旅遊好去處：山谷小屋

1580年建成嘅山谷小屋，係安道爾另一歷史古建築。起初山谷小屋係一位富豪嘅住宅，至1702年成為安道爾嘅議會大樓，設有安道爾法庭及議會廳，莊到依家活化成一間博物館。

7. 安道爾旅遊好去處：Pont de la Tosca

建成於1820年嘅Pont de la Tosca，係安道爾嘅一條古橋，影相打卡都幾靚。至於橋下面嘅河流，其實係溫泉水，不過大家千祈唔好跳落去呀。因為安道爾係一個浸溫泉嘅勝地，除咗有收費嘅溫泉池之外，其實市內亦有好多免費嘅泡腳溫泉池。

8. 安道爾旅遊好去處：Av. Meritxell

安道爾作為一個免稅嘅購物天堂，市區有唔少免稅店，如果想搵購物大道，可以嚟到市中心嘅Av. Meritxell，各種歐美品牌、超級市場、電器及潮流服飾都有。

9. 安道爾旅遊好去處：Ramen Andorra

其實我唔知道安道爾有啲乜嘢出名嘅嘢食，但呢間Ramen Andorra嘅日本拉麵真係夠晒正宗，豬骨湯底濃郁，日式叉燒油香十足。

世界各地／香港景點門票邊度買至平？
詳情請睇：https://wp.me/p8vzXP-6G

安道爾 Andorra

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com