走遊電影世界的主題樂園 德國電影公園Movie Park
去旅行，主題樂園係唔係你嘅行程計劃當中呢？無論你係親子遊、希望與另一半坐上浪漫嘅摩天輪，或者尋求刺激嘅體驗，主題樂園都肯定能夠滿足你哋！鄰近杜塞爾多夫，以電影為主題嘅德國電影公園（Movie Park Germany），就係一個結合荷里活表演、機動遊戲嘅家庭娛樂主題樂園，其中德國電影公園嘅呢個表演真係絕對唔可以錯過……
德國電影公園 | 前往方法
由杜塞爾多夫去德國電影公園非常方便，除了自駕遊外，乘坐德國火車同樣方便！ 於杜塞爾多夫總站乘坐火車至埃森火車總站後，再轉乘火車前往Feldhausen，車程約為1小時，之後行10分鐘即可到達德國電影公園的正門口喇！ 
德國電影公園 | 10大必玩設施
德國電影公園分為7個區域：Federation Plaza、The Hollywood Street Set、Streets of New York、The Old West、The Hollywood Studio Set、Santa Monica Pier、nickelodeon LAND，提供超過40項遊樂設施。
立即預訂德國電影公園門票優惠
10大德國電影公園必玩設施：1. Star Trek: Operation Enterprise
以《星空奇遇記》做主題嘅過山車，過山車以高速發射出去，過程中更會倒後行駛，係德國電影公園最刺激嘅機動遊戲之一。 
10大德國電影公園必玩設施：2. The High Fall
The High Fall係一個達60米高嘅跳樓機，更係德國電影公園最高嘅建築物。升到上頂聽到「and action！」再直插落地，勁容易就做到電影中嘅驚嚇表情啦！ 
10大德國電影公園必玩設施：3. Area 51 – Top Secret
Area 51 – Top Secret唔似一般嘅滑浪飛船，除咗睇到Area 51嘅外星人秘密，仲有向後行駛，過程中充滿驚喜架！不過整體驚嚇度其實唔高，小朋友都非常啱玩！ 
10大德國電影公園必玩設施：4. Time Riders
穿越時空係唔少電影嘅橋段，喺德國電影公園都搵到相關嘅遊樂設施。呢個時空旅程將前往恐龍世界、中世紀、太空船等，讓你親身體驗穿越時空嘅感覺。 
10大德國電影公園必玩設施：5. Movie Park Studio Tour
Movie Park Studio Tour係德國電影公園最新嘅機動遊戲之一，過程中分為室內和室外兩部份，經過不同的拍攝場景，非常迫真地了解電影拍攝情況。整個遊戲嘅刺激度唔高，小朋友都會啱玩，而且處處充滿驚喜，係德國電影公園必玩嘅遊樂設施之一。 
10大德國電影公園必玩設施：6. Van Helsing’s Factory
Van Helsing’s Factory以吸血鬼為背景嘅室內過山車，你將會化身吸血鬼獵人與吸血鬼展開一場獵殺嘅追逐，體驗電影故事嘅刺激。 
10大德國電影公園必玩設施：7. Movie Park Studios on Parade
主題樂園又點少得巡遊呢！德國電影公園嘅巡遊規模雖然唔大，但都可以同海綿寶寶、派大星等電影名星影相打卡。 
10大德國電影公園必玩設施：8. Dora’s Big River Adventure
nickelodeon LAND係德國電影公園專為小朋友設計嘅主題園區，其中Dora’s Big River Adventure雖然係絕對會濕身嘅遊樂設施，但係人氣極高，建議留待最後先玩，直接濕身離場返酒店。 
10大德國電影公園必玩設施：9. Operation Red Carpet – The Stunt Show
嚟到德國電影公園，又點少得荷李活級數嘅表演呢！Operation Red Carpet – The Stunt Show將有不同嘅飛車特技包圍住整個故事，驚險萬分，睇到人目定口呆。 
10大德國電影公園必玩設施：10. “ Magic Impossible ” met Christian Farla
講到德國電影公園最最最最唔可以錯過嘅表演，就係“ Magic Impossible ” met Christian Farla！魔術師將會進行刀鋸美人、萬箭穿心、移形換影等表演，非常精彩，完全睇唔到破綻，單單係呢個表演，呢個門票已經值回票價啦！ 
德國電影公園（Movie Park Germany）門票優惠：立即購票
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
德國電影公園 Movie Park Germany
地址：Warner-Allee 1, 46244 Bottrop, 德國
開放時間：星期一至星期三及星期日 10:00 – 18:00、星期四至星期六 10:00 – 19:00
門票優惠：www.trip.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
