【重新定義郵輪旅程・專訪】喺郵輪上，每個人都搵到適合自己嘅comfort zone
郵輪旅程由以前嘅上賭船、無啖好食、只係適合退休人士嘅沉悶旅程…直至近呢十年左右，郵輪旅遊出現劇變，唔同嘅郵輪公司默默進行「郵輪革命」：多元化嘅郵輪設施同活動、細緻嘅餐飲美食，讓大家浸沉式享受郵輪假期。至於世界三大郵輪公司之一嘅挪威郵輪公司（Norwegian Cruise Line）更打破傳統郵輪嘅規限，令旗下嘅郵輪旅程更年輕大眾化。今次，我哋就邀請到挪威郵輪公司大中華及南韓嘅銷售總監Crystal Wong同我哋一齊重新定義郵輪旅程，揀選適合自己嘅郵輪旅程啦！
【重新定義郵輪旅程・專訪】
Q1：郵輪過往嘅感覺都係刻板沉悶，郵輪公司如何向年輕人推廣郵輪旅程呢？
Crystal Wong：唔少人將刻板沉悶、長者退休同郵輪畫上等號，呢個其實係一種誤解。因為近年郵輪上嘅設施非常多元化，以挪威郵輪旗下嘅郵輪為例，設施同活動都適合唔同嘅年齡層，由百老匯風格嘅舞台劇、滑水梯、雷射槍戰，甚至賽車等相對刺激嘅娛樂設施都有，所以喺郵輪旅程上絕對唔會有沉悶的一刻。另外，岸上觀光嘅行程亦非常多元化，以滿足不同旅客嘅興趣同喜好，豐富整敞郵輪旅程，吸引不同年齡層嘅旅客。
Q2：對未來嘅郵輪體驗有咩睇法呢？
Crystal Wong：對於郵輪嘅未來，其實充滿好多令人期待嘅可能性。挪威郵輪除咗會豐富船上嘅設施、喺海上巡航時提供更多元化嘅船上餐飲選擇、以及一系列有趣嘅活動同世界一流嘅娛樂之外，新嘅郵輪設計更具有高科技同環保功能呢！其中，挪威郵輪旗下嘅領途級（Prima Class）旗艦郵輪，挪威領途號（Norwegian Prima）、 挪威非凡號（Norwegian Viva）及將於2025年下水嘅Norwegian Aqua（暫釋：挪威海凝號）都以全新嘅標準設計，例如寬敞嘅室內外設計、提供更多元化及世界一流嘅餐飲選擇：Indulge Food Hall、屢獲殊榮嘅Mandara Spa、甚至將三層賽車賽道引入郵輪，務求為每一個旅客提供難忘嘅郵輪體驗。
不過，講到郵輪體驗，更重要係探索目的地同郵輪旅程嘅沉浸式享受，因為每次嘅郵輪假期，只需要打開行李筴一次，郵輪就會帶你遊走標誌性嘅港口城市、富異國情調嘅景點或陽光與海灘嘅世外桃園，一次過解決住宿、交通等旅行繁瑣嘅問題，方便而且物超所值呢！加上郵輪上豐富嘅設施同活動，所以喺一敞郵輪旅程上，每個人都會搵到適合自己嘅comfort zone。
Q3：挪威郵輪未來有計劃在香港開設母港旅程嗎？
Crystal Wong：香港係挪威郵輪亞洲航線嘅其中一個重要停靠港口，不過，挪威郵輪目前並未喺香港開設母港旅程，但隨住更多郵輪投入服務，而挪威郵輪公司會不斷評估航線，相信未來是會有機會呢！
Q4：喺挪威郵輪工作有無咩最難忘嘅事情呢？
Crystal Wong：有好多難忘嘅事情，但最難忘相信係2022年，挪威領途號（Norwegian Prima）嘅首航旅程。當年世界各地仍受到疫情嘅挑戰，特別係唔少亞洲國家同地區仍實施嚴格嘅旅行限制，但估唔到挪威領途號竟能成為大眾嘅焦點，有超過20間嚟自亞洲嘅旅行社及合作夥伴表達興趣，希望加入由冰島雷克雅未克到英國南安普敦嘅9晚航程。我哋經過20多個鐘嘅長途飛行，到達雷克雅未克後，加上時差真係好攰，但當我哋到達郵輪碼頭見到挪威領途號（Norwegian Prima）之後，疲累嘅身軀好似頓然消失。由船身嘅彩繪圖案，豐富嘅設施同國際化嘅餐廳，令我哋喺郵輪上不停探索，喺整個旅程中，我哋同挪威領途號渡過咗一段難忘嘅時光，創造咗難忘回憶嘅郵輪旅程。
Q5：如何選擇適合自己的郵輪旅程呢？
Crystal Wong：郵輪嘅旅程動輒就十日八日，所以要先了解自己及同行親朋偏好，再考慮行程目的地、岸上觀光旅程、豐富嘅娛樂設施、多元化餐飲選擇等，了解郵輪整體嘅性價比，決一不可呢！
Q6：當你去郵輪旅行時，你嘅行李箱會裝啲咩呢？
Crystal Wong：其實都取決於行程目的地，準備合適嘅衣服，以及適合行程嘅舒適鞋履，仲要確保手頭上有當地貨幣以應對任何突發嘅開支。
延伸閱讀
【郵輪攻略】挪威非凡號首航出發，即睇必玩、必食、航線等郵輪懶人包
【郵輪攻略：美食篇】挪威非凡號免費餐廳多達16間？邊5間餐廳係必食心水推介
【郵輪攻略：娛樂設施篇】挪威非凡號有咩玩？5個郵輪上不可錯過嘅娛樂項目推介
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
挪威郵輪公司 Norwegian Cruise Line
網址：www.ncl.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
