韓大叔大排檔：銅鑼灣正宗又入味的醬油海鮮

大排檔絕對係體驗當地地道嘅味道，而銅鑼灣嘅韓大叔大排檔就正正以呢種風格作為餐廳主題，製作多種地道嘅韓式小菜，其中醬油二人餐醬油蟹、韓式年糕、炸雞、韓式粉絲、泡菜湯等選擇，兩個人都真係食唔晒，非常抵食。

韓大叔大排檔

韓大叔大排檔嘅海鮮拼盤有齊醬油蟹、醬油帶子、醬油三文魚，真係估唔到套餐都嘅份量都可以咁多。至於三款海鮮以醬油、蒜頭、辣椒等香料醃製，非常入味。最正當然係醬油蟹，蟹膏爆多又濃郁，蟹肉夠厚，而且非常鮮甜，夠晒驚喜。

韓大叔大排檔嘅炸雞口味有好多款，總有一種啱你心水。而我哋就揀咗甜辣炸雞，醬汁嘅份量啱啱好，唔怕食到最尾會冇晒醬，味道甜甜辣辣，非常惹味。

食韓國菜又點少得泡菜湯呢！韓大叔大排檔嘅湯底以酸辣泡菜為基底，結合嫩滑豆腐同份量十足嘅牛肉片，口味唔會太辣，但非常醒胃。

至於甜品嘅金箔朱古力芝士蛋糕，非常軟滑，而且朱古力同芝士嘅結合，令整個蛋糕充滿層次。

餐廳名稱：韓大叔大排檔 HANAJEOSSI POCHA
地址：銅鑼灣登龍街28號永光中心10樓
營業時間：星期一至日 12:00-16:00、17:00-23:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！