頂立料理所：太子日系文青風，料理定食竟有96款配搭

頂立料理所走日系文青風格，店內以簡約雅致嘅設計營造出舒服自在嘅用餐氛圍，令人喺繁忙嘅太子街頭，都可以有一個寫意嘅空間。頂立料理所以定食套餐為主，餐牌看似簡單，但原來可以自由選擇嘅料理定食，足足可以組合出96款不同變化，就睇我哋嘅定食同你嘅心水一唔一樣啦！

頂立料理所：料理定食

冷盤、小食同主食，都可以自由配搭，配埋必備嘅白飯、味噌湯、漬物同沙律菜，大堆頭就係非常豐富囉！頂立料理所嘅冷盤漬昆布熟拖羅，油脂感豐盛，魚肉鮮甜香濃；小食嘅海苔醬凍豆腐非常嫩滑，加上鹹香嘅海苔醬吊味，簡單又好味；主食嘅自家製黑松露醬油叉燒，外脆內嫩，肉汁juice，非常惹味。估唔到最後仲有甜品，厚實又濃稠嘅Tiramisu巴斯克，味道香濃，極具層次呢！

頂立料理所：黑白鰻魚套餐

另一款就揀咗頂立料理所嘅鰻魚套餐，冷盤嘅漬螢光魷魚，鹹鮮味十足，由於口感彈牙，非常醒胃；主食嘅黑白鰻魚分別用上蒲燒鰻魚以及鹽燒鰻魚：蒲燒鰻魚醬汁香濃，夠晒惹味；相反，鹽燒鰻魚嘅味道相對清淡，肉質軟綿，輕輕用鹽調味，但又完全食唔到最驚嘅鰻魚泥味。而招牌甜品焦糖布甸更加係不可不食！布甸充滿住雲呢嗱籽，香甜嘅焦糖加上充滿蛋香味嘅布甸，簡直係絕配呀！

頂立料理所：基本資料

餐廳名稱：頂立料理所
地址：太子運動場道3號地舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com