日落機場打卡熱點 赤鱲角機場維修區

以前一年總會去幾次機場，台北、東京、曼谷、倫敦，好掛住你哋呀！但因為疫情嘅關係，冇得去旅行，不如望梅止渴，我哋嚟到機場維修區，同飛機嚟一個近距離嘅接觸，咁就當去咗轉旅行啦！

想去機場維修區影相，大家先要留意一件事。附近係冇停車嘅位置，而且機場管理局嘅職員會經常巡邏，所以想拍喺路邊都唔得。如果想自駕遊？咁就要先將部車泊喺東涌，再轉巴士入嚟喇。另外，不時會有旅遊巴同維修嘅車輛進出，喺馬路影相嘅時候一定要小心。

跑道
香港機場有兩條跑道，分別係北跑道(07L-25R)同南跑道(07R-25L)，長度為3800m。南北跑道嘅安排，主要都係視乎天氣同風向，夏天香港主要吹西南風同西風，所以常用25R或者25L起降，而冬天多數吹東風同北風，所以較常用07R或者07L起降。而機場維修區影飛機，最近就係南跑道，所以預上07R降落或25L起飛，就可以影到靚相喇。

 

疫情前，香港國際機場嘅升降量，係全球數一數二，每日超過1,100架次客貨機升降。如果嗰時嚟影飛機，應該大有收穫。但而家嚟到，就要比少少耐性喇。

機場維修區
位於跑道盡頭，除咗吸引一班飛機迷影飛機之外，當然仲有一班嚟打卡嘅朋友啦！就佳嘅拍攝時間，就係日落嘅時候，因為機場維修區位於香港嘅西邊，觀賞日落嘅景色相當唔錯。加上因為景觀開揚，遇上飛機升降，就可以極近距離感受飛機頭上飛過嘅情景。

港珠澳大橋
旁邊就係港珠澳大橋，如果天氣好嘅話，仲睇到珠海同澳門嘅燈光。

世界各地／香港景點門票邊度買至平？
–> 詳情請睇：https://wp.me/p8vzXP-6G <–

赤鱲角機場維修區 / 南環路悠閒徑 South Perimeter Road Traffic Calming Street
地址：赤鱲角南環路

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com