大叔的愛運動打卡攻略 昂坪360期間限定「360 Sweatival」運動祭
夏天就梗係要同陽光玩遊戲，出身汗先夠爽啦！所以今日同A姐拍拖，坐昂坪360嚟到昂坪市集，參加昂坪360同寶礦力水特盛夏聯乘，期間限定嘅「360 Sweatival」運動祭！活動嘅揭幕禮，更邀請到黃德斌分享做運動嘅心得，我都要向佢好好學習，以練成好body嘅M佬大叔為目標。至於A姐就梗係唔會錯過呢度嘅打卡點、遊戲同表演示範，即刻睇吓呢度嘅卡打攻略，一齊「#讓每滴汗更有價值」啦！
提提你
出完汗就梗係要補充水份啦！所以喺7月同8月嘅指定週末，昂坪巿集內會免費派發合共5,000支嘅寶礦力水特，夠晒refreshing呀！
門票優惠
喺7月15日至8月15日嘅活動期間，昂坪360更推出360 Sweatival盛夏激賞優惠，喺出發前一日經昂坪360官方網站預訂1+1來回纜車門票（即一程標準車廂及一程水晶車廂）滿港幣300元，即減港幣100元；買滿港幣600元，即減港幣250元。詳情請參閱昂坪360官方網站。
昂坪360
嚟昂坪市集同大佛，最方便就梗係坐昂坪360啦！
詳情：香港週末好去處 大嶼山昂坪360
「360 Sweatival」運動祭揭幕禮
喺活動嘅揭幕禮，德斌分享做運動嘅習慣同心得，保持完美身形並以最佳狀態參與每個角色。
巨型寶礦力水特樽連補水加油站、揮灑汗水限定士多、鋁罐形水管裝置
一嚟到昂坪市集，就已經見到3個打卡點。其中最eye catching嘅當然係4米高嘅巨型寶礦力水特樽啦！記住行埋入去樽入面，枱頭望上去會見到彩繪天花玻璃設計嘅360圖案，勁有歐洲教堂feel㗎！ 至於旁邊分別係揮灑汗水限定士多同鋁罐形水管，兩個裝置都以代表寶礦力水特嘅藍白色為設計，好容易就影到日系嘅感覺啦！
願望打卡牆
以前去日本旅行，總會去到神社祈願，甚至買個御守。依家只要喺昂坪市集消費滿$200，就可以憑收據去360旅遊資訊中心，免費換領纜車許願牌一塊，同你嘅願望一齊打卡，祈求願望成真！
日系劍球打卡位 – 大皿五連Fun
講到日本嘅民間遊戲，又點少得劍球呢！呢個巨型劍球真係好大個，勁容易就幫A姐影到長腿啦！呢度仲設有遊戲：大皿五連Fun，只要同時間拋起特製嘅劍玉五連皿，每個劍球成功拋回大皿就可得一分，只要獲得4分或以上，即可贏取昂坪360 x 寶礦力水特涼感冰巾一條。
動漫棒球館 – 球Fun過三關
至於講到日本嘅招牌體育綜藝節目，又點少得筋肉壩台呢！喺動漫棒球館內，除咗將棒球九宮格重現，仲細心設有小型看台、計分板同儲物櫃等，充滿和式校園風，一定要打卡留念！呢度仲設有遊戲：球Fun過三關，將棒球扔成直、橫或斜線即可勝出，贏取昂坪360 x 寶礦力水特夏日防水袋。
板羽球挑戰站 – 球球碰著罐
講到日本嘅傳統遊戲，當然就係板羽球啦！但板羽球我哋就真係未玩過喇，好彩呢度就設有遊戲：球球碰著罐，順便體驗一吓板羽球啦！只要用特製球板將4個板羽球逐一拍入得分筒，入一球得一分，只要獲得2分或以上，即可贏取昂坪360 x 寶礦力水特火熱沙灘墊一塊。
想參與以上遊戲並贏取將品，可以喺昂坪360即場以HK$20購買遊戲券。如果想免費參加遊戲？只要喺活動期內嘅每個星期六同星期日，嚟到昂坪市集，即場尋找實體版Sweat Coin；或參加IG濾鏡遊戲，獲取虛擬Sweat Coin，都可以免費換取遊戲券一張！
表演示範
喺今次嘅360 Sweatival運動祭，仲邀請咗香港足毽總會教練及2019年足毽世界錦標賽男子團體賽亞軍得主陳浩然示範花式足毽、香港跳繩代表隊親身示範花式跳繩、劍玉兄弟@香港花式劍球協會示範花式劍球。除咗示範表演之外，大家亦可以即場參與運動工作坊，由專業指導挑戰各項花式運動，一齊「讓每滴汗更有價值」啦！
纜車探知館
依家喺市集內仲有全個首個以纜車為主題嘅纜車探知館。館內將興建昂坪360同昂坪市集嘅艱巨過程重現，包括纜車組件展覽區、纜車拍攝區、歷史以及無名英雄工程師一一呈現。館內仲設有VR，識我哋了解纜車嘅工程禁地。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
「360 Sweatival」運動祭 360 Sweatival Sports Gala
地址：大嶼山昂坪市集
開放時間：10:00 – 18:00
門票優惠：喺7月15日至8月15日嘅活動期間，昂坪360更推出360 Sweatival盛夏激賞優惠，喺出發前一日經昂坪360官方網站預訂1+1來回纜車門票（即一程標準車廂及一程水晶車廂）滿港幣300元，即減港幣100元；買滿港幣600元，即減港幣250元。詳情請參閱昂坪360官方網站。
網址：www.np360.com.hk
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
