[石澳好去處] 歐陸打卡風 石澳情人橋

石澳係香港島嘅後花園，有沙灘、燒烤場、歐陸風情嘅村落、泰式同西式嘅餐廳、仲有行山郊遊嘅路線，絕對適合大家放假嚟呢度鬆一鬆。而今日我就同A姐嚟到修復並重新開放嘅藍橋，同佢感受一吓香港嘅南歐風情。

前往方法
前往石澳可以喺筲箕灣搭巴士或小巴，我哋就唔建議揸車嚟，因為公眾停車場經常爆滿，而收費停車場價錢亦非常之貴，所以都係做個乖乖嘅乘客，轉乘公共交通工具。

提提你
大家記住保持環境清潔，自己垃圾自己帶走，絕對唔可以破壞大自然環境

藍橋
呢條藍色嘅小橋，連接大澳同大頭洲，由於橋嘅闊度只可以比兩個人並行，所以又稱為情人橋，一直以嚟都係打卡熱點。但2018年颱風襲港，令藍橋被破壞摧毁，直至2021年1月重新開放，令藍橋再次成為大家嚟到石澳嘅必遊景點。

大頭洲
過咗藍橋就會嚟到連島沙洲對岸嘅大頭洲，沿住上山嘅郊遊徑，除咗可以睇到南區嘅海岸線，遠眺南中國海嘅景色，值得留意嘅係山上面滿佈奇形怪狀嘅石頭，加多少少想像力，唔知你又見到啲乜嘢呢？

石澳村
石澳嘅居民多數住喺石澳村，而石澳村房子外牆塗滿唔同嘅顏色，色彩繽紛，亦係一個唔錯嘅打卡位。

石澳泳灘
沙灘水清沙幼，加上係南中國海沿岸，所以海水清澈，係一個唔錯嘅游水地方。

極限活動
嚟到石澳，不時會見到有唔少人喺度玩緊攀岩同飛索，如果你都有興趣玩嘅就可以提早報名參加，一於挑戰自己，過一個刺激嘅weekend。
詳情：極限活動放題 任玩飛索攀岩 MAD Adventure HK

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

石澳 Shek O

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com