蒲台島一日遊景點推介2026 輕鬆郊遊登上國境之南 蒲台島食買玩十大推介
【蒲台島一日遊景點推介2026 | 蒲台島好去處】香港有263座島嶼，但有人住嘅島嶼確實唔多，而香港最南又有人居住嘅島嶼就係蒲台島，所以蒲台島被稱為「香港南極」。大家除咗可以喺蒲台島行山郊遊、露營睇日出之外，嚟到蒲台島仲可以喺海邊食海鮮成嘆番碗紫菜餐蛋麵，臨走仲可以買埋手信。一於bookmark呢篇蒲台島食買玩十大推介，weekend嚟個蒲台島一天遊啦！
蒲台島一日遊景點推介2026 | 蒲台島好去處 | 前往蒲台島方法
蒲台島一日遊景點推介2026 | 蒲台島好去處 | 於香港仔或赤柱卜公碼頭坐船去蒲台島，由於班次唔多，所以記住預早少少時間去碼頭等船。如果航班已滿，就要等下一班船。但如果你連尾班船都上唔到嘅話，就要自己call隻艇仔離開或滯留島上1至2日喇！（渡輪時間表）
蒲台島一日遊景點推介2026| 蒲台島好去處 | 蒲台島十大食買玩路線推介
1. 蒲台島地道早餐
2. 蒲台石刻
3. 佛手岩
4. 126燈塔
5. 靈龜上山石 / 僧人石
6. 蒲台島海鮮午餐
7. 響螺石
8. 巫氏古宅
9. 棺材石
10. 蒲台島特產手信
蒲台島一日遊景點推介2026 | 蒲台島好去處 | 提提你
1. 蒲台島設有一個旱廁，沿路亦設有多個流動廁所，但環境麻麻，有需要先會去
2. 近蒲台島碼頭設有士多及餐廳，可以購買補給品，但都建議大家預備足夠嘅飲用水前往
3. 我哋今次嘅行程採「山」字型走回頭路方法，屬於初級路線，如果選擇不走回頭路，梯級就會較多，大家記住要量力而為
4. 大家記住保持環境清潔，自己垃圾自己帶走，絕對唔可以破壞大自然環境
5. 郊外地區蚊蟲眾多，大家要做好防蚊措施
6. 部份網絡供應商喺蒲台島未能提供網絡，所以大家除咗要轉飛行模式，仲要screen cap定渡輪時間表，以免錯過航班
蒲台島一日遊景點推介2026 | 蒲台島好去處 | 1. 蒲台島食買玩十大推介：蒲台島地道早餐
蒲台島一日遊景點推介2026 | 蒲台島好去處 | 晨早流流起身出發，連早餐都未食，所以嚟到蒲台島嘅第一件事就梗係醫吓肚再行山啦！但嚟到蒲台島食咩好？識食嘅就梗係食紫菜啦！話說蒲台島又名蒲「苔」島，用呢個「苔」字，據說係因為島上出產海苔，所以嚟到蒲台島當然唔可以錯過名物：紫菜啦！其實蒲台島有多間士多，主要都係售賣紫菜腸蛋麵，而我哋就揀咗碼頭左邊嘅妹記士多。有人話妹記士多係蒲台島第一間賣紫菜腸蛋麵嘅舖頭，我哋就無刻意講究，選擇呢間士多主要因為婆婆嘅熱情同埋無敵海景呀！紫菜腸蛋麵嘅麵底係出前一丁，食之前要先將喺底嘅湯粉撈勻，由於湯底加入咗紫菜，所以鹹香十足，亦帶有點點嘅鮮甜，味道唔錯。而妹記士多除咗紫菜腸蛋麵，亦都有涼茶同海帶綠豆沙，所以行完山攰攰哋，都可以嚟到妹記士多嘆吓下午茶。
蒲台島一日遊景點推介2026 | 蒲台島好去處 | 2. 蒲台島食買玩十大推介：蒲台石刻
蒲台島一日遊景點推介2026 | 蒲台島好去處 | 蒲台島、螺洲、宋崗、橫瀾島同墨洲屬於蒲台群島之一，而蒲台島係呢五個島嶼中面積最大嘅島，面積為3.69平方公里。雖然蒲台島唔係香港最南嘅領土，但因為蒲台島係有人居住嘅最南島嶼，所以被稱為香港南極。其實蒲台島喺3000年前就有人類活動嘅痕跡，為咗親眼了解歷史，所以第二站我哋就喺到蒲台石刻。蒲台石刻係香港法定古蹟，石上面刻有3000年前嘅圖騰圖案，左邊嘅圖案似魚同動物，而右邊嘅圖案就由螺旋狀嘅條紋組成，唔知你又睇到啲咩呢？
蒲台島一日遊景點推介2026 | 蒲台島好去處 | 3. 蒲台島食買玩十大推介：佛手岩
蒲台島一日遊景點推介2026 | 蒲台島好去處 | 離開蒲台石刻，就會經過一條類似石澳情人橋嘅蒲台橋，背山面海，都吸引唔少人喺呢度打卡架！我哋分叉路繼續沿海邊行，就會經過佛手岩。佛手岩係蒲台島上最為人熟悉嘅岩石，絕對唔可以錯過。佛手岩因為風化而形成五隻手指，真係好壯觀架！
蒲台島一日遊景點推介2026 | 蒲台島好去處 | 4. 蒲台島食買玩十大推介：126燈塔（南角咀燈塔）
蒲台島一日遊景點推介2026 | 蒲台島好去處 | 離開佛手岩沿山路上山，就會去到126燈塔。126燈塔除咗係香港最南嘅燈塔，亦因為以白色為主色，所以充滿地中海嘅希臘風情。另外，燈塔面對住南海同太平洋，海天一色真係好靚架！此外，呢度亦係露營嘅熱點，除咗地勢平坦，呢度亦係香港最佳嘅日出觀賞點之一。
蒲台島一日遊景點推介2026 | 蒲台島好去處 | 5. 蒲台島食買玩十大推介：靈龜上山石 / 僧人石
蒲台島一日遊景點推介2026 | 蒲台島好去處 | 喺126燈塔打完卡之後，唔好咁快就行去另一個景點，因為呢度係最佳觀賞靈龜上山石嘅地方。影完相再沿路往靈龜上山石方向行，喺靈龜上山石嘅正對面就係僧人石，喺部份角度睇又真係幾似架！睇完靈龜上山石同僧人石之後，大家可以選擇不走回頭路，往觀日亭方向行，但我哋見到條長長樓梯，決定經蒲台橋拆返，相對行程會輕鬆好多。
蒲台島一日遊景點推介2026 | 蒲台島好去處 | 6. 蒲台島食買玩十大推介：蒲台島海鮮午餐
蒲台島一日遊景點推介2026 | 蒲台島好去處 | 蒲台島最高峰嘅時候超過二千人居住，以漁業為生。隨住漁業沒落，大部份原居民都搬到港島南區，依家得番大概二十位居民。靠山食山靠海食海，所以嚟到蒲台島就絕對唔可以錯過海鮮啦！呢間明記海鮮酒家靠近沙灘，真係好有芭堤雅嘅feel呀！餐廳提供唔到價位嘅套餐，豐儉由人。我哋除咗order套餐，另外仲叫咗幾款海鮮添，整體嚟講都算唔錯。
蒲台島一日遊景點推介2026 | 蒲台島好去處 | 7. 蒲台島食買玩十大推介：響螺石
蒲台島一日遊景點推介2026 | 蒲台島好去處 | 食飽飽之後，我哋就往天后廟方向行。喺天后廟嘅旁邊就係響螺石。響螺石經過風化而成，不過就要靠大家嘅七分想像喇！
蒲台島一日遊景點推介2026 | 蒲台島好去處 | 8. 蒲台島食買玩十大推介：巫氏古宅
蒲台島一日遊景點推介2026 | 蒲台島好去處 | 離開響螺石同樣可以選擇不走回頭路，往上山方向行，但我哋今日係輕鬆路線，所以途經明記海鮮酒家拆返，再喺分叉路口上山。呢段樓梯山路相對上係全程最辛苦，但食飽飽就當散吓步啦！行咗無耐就會經過已荒廢嘅蒲台學校，呢間學校曾經為島上同漁船上嘅兒童提供小學教育，至1988年停止辨學至今。再往山上行15分鐘，就會到達巫氏古宅。巫氏古宅嘅入口被野草同大樹遮檔，好容易就會錯過，大家記住要留意路牌提示呀！巫氏古宅建於1920年代，係島上首富巫氏所有，但因為不幸被賊入屋搜掠，令屋主覺得治安唔好，而最終離開大宅。巫氏古宅嘅正門仍然保存良好，橫額有「保乂流芳」四字，「乂」的粵音與「艾」相同，為古字，有治理、安定之意。但依家嘅古宅因為非常陰森，所以亦有人叫巫氏古宅做巫氏鬼屋。
蒲台島一日遊景點推介2026 | 蒲台島好去處 | 9. 蒲台島食買玩十大推介：棺材石
蒲台島一日遊景點推介2026 | 蒲台島好去處 | 離開響螺石再往上山方向行，行大概5分鐘，就會去到一個小平源，可以眺望棺材石。呢個棺材石非常形似，係嚟蒲台島唔可以錯過嘅打卡點。如果大家再向上山方向行，往左就會去返響螺石，往右就會去到126燈塔，但同樣地我哋選擇最輕鬆嘅沿路拆返，落山食碗甜品同買吓手信啦！
蒲台島一日遊景點推介2026 | 蒲台島好去處 | 10. 蒲台島食買玩十大推介：蒲台島特產手信
蒲台島一日遊景點推介2026 | 蒲台島好去處 | 臨走嘅時候，就梗係要買啲蒲台島嘅特產手信啦！蒲台島除咗紫菜同海苔，仲有唔少海味，不妨買啲返去煲吓湯或者自製紫菜腸蛋麵啦！
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
蒲台島一日遊景點推介2026 | 蒲台島好去處 | 蒲台島 Po Toi Island
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
