三月見：啟德與寵物的寫意空間

近期非常熱鬧嘅啟德，除咗演唱會同大型活動之外，原來仲可以搵到一間好chill，與毛孩共同享受嘅餐廳：三月見。三月見以充滿質感嘅裝潢，加上創意料理，氛圍足以令你與愛寵享受瞬間放鬆嘅時刻。

三月見

唔知大家仲記唔記得元祿冷麵呢個名菜呢？三月見就神還原呢道名物，以酸酸辣辣嘅是拉差辣醬、沙律醬等多款醬汁，秘製成呢道名菜嘅靈魂醬汁，加上半肥瘦嘅豬頸肉，真係又邪惡又好味！便當仲配有椰菜沙律、玉子燒，非常豐富。

珍珠貝雖然細細粒，但估唔到口感爽口彈牙，同意大利粉一樣咁有Al denta！濃郁鮮鹹味而帶有微辣嘅明太子同Creamy嘅忌廉一拍即合。

三月見作為一間Cafe，飲品嘅選擇非常多，兼且造型精緻，啱晒大家打卡！其中韓國柚子蜜潤喉清甜、冷泡茶味道略帶微酸，極具層次。

三月見嘅招牌菜仲有自家製嘅雪糕呢！椰子同芝麻味嘅味道都非常濃郁，雪糕上面更分別灑上芝麻碎和椰子碎，令味道同口感更添靈魂。

餐廳名稱：三月見
地址：九龍城啟德沐禮街6號啟欣苑零售大樓地下2號舖
營業時間：星期一至日 11:30 – 21:30

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！