台北人：在佐敦也能品嘗台灣的地道風味

想喺香港都可以品嘗台灣嘅地道風味，推介位於佐敦嘅台北人。踏進台北人，隨即在空氣中感受到瀰漫嘅滷水與麻辣香交錯，將最純粹嘅巷弄美味帶到香港，瞬間讓人有種置身於饒河街或大稻埕嘅錯覺。

台北人

講到台灣嘅美食，又點少得夜市呢！揀咗牛肚同杏鮑菇兩種滷味小食，濃酥嘅滷水汁隨着咬開牛肚同杏鮑菇嘅一刻破壁而出，口感爽滑彈牙，非常入味，風味十足。

即叫即炸，炸到金黃色嘅鹹酥雞，咬開脆卜卜嘅外皮，入面嘅雞肉勁嫩勁juicy，完美復刻夜市嘅滋味。

四喜有齊豆腐、牛肚、豬腸同鴨血，款款食材都係吸味界嘅高手！豆腐刻意用上百葉豆腐，咬落去每一層都滲出麻辣湯汁，非常過癮；牛肚除咗索汁入味，仲有Q彈爽滑口感；豬腸清新乾淨，入味而口感軟腍；鴨血則非常軟滑，同樣入味。

台北人嘅滷味同麻辣絕對係佢嘅名物，但醬燒牛舌牛肉飯無令我失望。厚切嘅牛舌燒得啱啱好，燒得香口但肉質仍保持軟腍層次感豐富。當白飯、牛舌、滷肉同蛋黃撈勻一齊食，層次更大大提升。

餐廳名稱：台北人 Taipei Izakaya
地址：佐敦文苑街31號文輝樓地舖
營業時間：星期一至日 12:00 – 16:00、18:00 – 22:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！