尖沙咀韓國街頭風 hoo韓國包車
以前我哋好鍾意星期五放工就拎埋個篋去旅行，呢個係青春嘅回憶呀！喺韓國嘅街頭，仲有唔少大排檔，絕對係夜媽媽嘅宵夜推介。雖然好耐無去過韓國，但原來呢種地道風味已經殺入尖沙咀，呢間位於厚福街嘅hoo韓國包車，除咗有韓式地道嘢食之外，餐廳仲設計成韓國街頭風，打卡都一流架！
辣辣無骨雞腳
晚餐就由一碟中辣嘅辣辣無骨雞腳開始，雞腳爽脆又無骨，食嘅時候夠晒方便。雞腳嘅份量好多，加上辣度好有層次，非常開胃惹味。
招牌炒章魚
呢個招牌炒魷魚係餐廳嘅招牌菜，唔算太辣，同樣非常惹味。特別欣賞佢哋嘅魷魚，全部大大粒，煙靭又彈牙，好有口感。除咗章魚，生菜索晒醬汁嘅精華，好好味！
街頭魚糕串串
鍋連爐一齊上，食住魚糕再飲熱辣辣嘅湯真係好有韓國嘅感覺呀！魚糕串有5串，起初仲覺得要同M佬爭食，但原來鍋入邊仲有幾件小魚糕同蘿蔔，材料都幾豐富，魚糕索晒味道清甜嘅湯底，係必叫之選。
甜辣炸雞
炸雞有分唔同siza，呢個M size就有5件雞，啱晒2至3個人食！雞件即叫即炸，上枱嘅時候夠晒熱辣辣，值得一讚係唔會太厚粉，雞皮脆卜卜而雞肉夠juicy。另外，雞嘅外層佈滿甜辣醬汁，真係好yummy！
雞蛋拉麵
嚟到韓國大排檔嘅靈魂食物，當然唔少得拉麵啦！拉麵少少辣，麵條軟硬度適中，真係食埋碗拉麵先算似嚟過韓國大排檔。
熱情果啤酒
有炸雞又有炒章魚，點少得啤酒呢？啤酒帶有熱情果香味，女孩子都會鍾意。
hoo韓國包車 hoo 포차
地址：尖沙咀厚福街12-12A號藍馬商業大廈22樓
電話：+852 9229 5812
營業時間：星期一至日 12:00 – 16:00、18:00 – 22:00
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
