戲院都可以打邊爐 旺角火水爐火鍋
M佬鍾意睇戲更加鍾意打邊爐，如果將佢二合為一會有咩效果呢？呢間為於旺角嘅火水爐火鍋，就正正係以懷舊戲院及七十年代為主題，朝早係冰室，夜晚就係火鍋，單單個feel，已經令人感覺穿越時代。但唔知大家係未同A姐一樣，唔知咩係火水爐呢？其實，火水爐係七十年代以煤油生火嘅煮食爐具，依家有煤氣爐、石油氣爐同電池爐，所以大部份人嘅屋企都唔會再用啦！我哋今日嚟到食半任食火鍋，「有水放水冇水散水」喇喂！
醬汁
食神話打邊爐最重要係個爐，我哋就話最重要係湯底喇，湯底之外，個醬汁都好香要，呢度有炸蒜，生蒜，蔥，芫茜，辣椒同花生醬，鍾意重口味定淡口味，適隨尊便。
頭盆前菜
每日嘅頭盆前菜都唔同，今日就係陳皮魚蛋配炸燒賣喇！真係好耐無食過啲魚蛋係咁實淨唔係鬆泡泡喇。
惹味鮑魚
炆得好焾好入味呀！
秘制辣雞煲
雞煲嘅份量好多呀，好彩今日同大食A姐嚟！雞煲有好多芫荽、紫洋蔥同芹菜調味，店員幫手兜兩兜，啲香味炒晒出嚟，而且雞件好嫩滑，小辣亦唔會蓋過雞嘅鮮味。
食完雞煲，其實都半飽，下半部換上濃濃嘅沙嗲湯打邊爐！
海鮮匯拼盤
海鮮有海蝦、鮑魚、花甲、大蜆、蟶子、脆肉脘，每款都好新鮮，其中最鍾意嘅一定係脆肉脘，好彈牙好脆身！
手切頂級本地肥牛
睇吓啲雪花紋理其平均，就知呢個肥牛嘅鮮嫩度啦。
手切西班牙黑豚豬
薄切嘅西班牙黑豚肉，肉味夠晒香濃，而且又嫰又滑。
脆炸拼盤
響鈴、生根同炸魚片完美地索晒個沙嗲湯底，好滿足呀！
六寶拼丸
丸類有牛丸、墨魚丸、魚片、豬肉條、貢丸同魚蛋，全部都無雪味，夠彈牙，唔錯。
除咗呢啲，仲有雲吞、水餃、魚皮餃、蟹柳、芋絲、公仔麵、烏冬同蔬菜籃，但我哋已經飽到食唔落喇！
雜果涼粉紅豆冰
食到咁飽，最啱就係食番個地道港式甜品啦！
火水爐冰室火鍋 Fo Shui Lo
地址：旺角煙廠街33號朗廷軒1樓
營業時間：星期一至日 12:00-00:00
電話：+852 2663 1087
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
報料或合作：keepintouch@aandmdiary.com
