澳洲和牛放題火鍋 一人一鍋旺角大將

食火鍋打邊爐放題，最緊要係盡興！想盡興就梗係要有高質嘅牛肉、食物選擇多、較長嘅時限、舒適嘅座位等等，咁就可以同成班朋友慢慢嘆！位於旺角嘅大將除咗能夠滿足以上嘅條件之外，更可以一人一鍋，大家都可以揀自己鍾意嘅湯底，食盡兩個鐘！

牛肉
落咗order之後，店員就會送上包括鮑魚同生蠔嘅頭盤。免費嘅湯底選擇有五款，其中包括人氣極高嘅花生沙嗲湯底。沙嗲湯非常香濃，湯底濃稠，令食材更掛湯更惹味！今次揀咗澳洲和牛牛小排及嚴選和牛胸腹眼放題套餐，呢個套餐嘅牛肉選擇多達十一款，除咗澳洲和牛牛小排同和牛胸腹眼之外，仲有嚴選Prime牛肩肉、安格斯牛小排、美國牛肩肉、美國牛板腱、一口牛肉粒、滑牛肉、麻煩滑牛肉、牛胸爽同牛柏葉。澳洲和牛牛小排當然係焦點，肥瘦度適中，肉味香濃，值得一再encore！

肉類、海鮮
除咗牛肉之外，仲有熊本豬梅花肉、嚴選伊利比亞五花肉、特選羊卷肉、昆布漬雞肉、即炸午餐肉。食咗咁多肉，一於食啲海鮮調劑吓，減少肉類嘅油膩。海鮮選擇包括日本帶子、沙白、海蝦、杭州墨魚片、大蟹棒、水魷魚、蝦滑、花膠、青口。

自取區
喺自取區嘅選擇除咗蔬菜類，仲有丸類、烏冬等多款食材。

熟食區
除咗打邊爐嘅食材之外，仲有日式小食，例如芝麻八爪魚、中華沙律、日本小番薯、玉子同關東煮等，喺等緊邊爐食材嘅時候，不妨食少少熟食打個底。

甜品、飲品
打邊爐配汽水先至夠爽！如果唔想飲甜嘢，亦有唔少罐裝茶類選擇。記住留肚食甜品，有雪糕同自家製甜品呀！

大將 Taisyou
地址：旺角彌敦道700號T.O.P This is Our Place地庫FoodYum R1號舖
電話：+852 2333 3258
營業時間：星期一至日 11:30 – 23:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com