韓國風味 旺角平昌

明明A姐都無睇韓劇一排，但近期佢公司嘅admin同事介紹，A姐又再沉醉追韓劇嘅日子，當佢顆韓國心又再燃起，我又多咗食韓國菜嘅機會喇！之前食過佐敦嘅平昌，今次就去同集團嘅旺角兆萬平昌啦。 鰻魚 任燒任叫嘅鰻魚外層微焦，無骨肉厚，最正當然係個鰻魚汁，好惹味！ 烤LA牛排骨 醃到入晒味嘅牛仔骨係另一推介，牛味香濃，骨唔會黐住啲肉。 午餐肉 午餐肉夠晒厚切，唔會鬆鬆散散，應該係嚟自韓國嘅午餐肉。 烤五花腩 五花腩肥瘦分明，食落唔油膩，夠晒腍，豬肉味夠晒香。 烤牛脷 厚切嘅烤牛脷，牛肉味豐富，仲好有口感，加少少麻油鹽就更提升牛脷嘅味道。 辣醬牛五花肉、照燒牛五花肉 呢兩款五花肉薄切，輕輕一燒就已經食得，口味雖然唔一樣，但各有特色。 平昌 Pyeong Chang 地址：旺角西洋菜街1號兆萬中心13樓 營業時間：星期一至日 12:00 – 00:00 電話：+852 2612 1682 （記住Like同Share畀朋友） 想緊貼A姐M佬嘅吃喝玩樂資訊，快啲Follow埋下面嘅Channel啦！ Facebook：A姐M佬 玩樂日記 Instagram：AandMDiary Openrice：A姐M佬 報料或合作：keepintouch@aandmdiary.com