Coffee Break：因美食而讓自己放慢腳步

喺生活步伐急促嘅香港，有時真係好想稍作休息，放慢腳步不如就take一個Coffee Break啦！位於旺角嘅Coffee Break，就可以讓你嘅生活暫緩，用一杯咖啡、甜品同美食去滿足你挑剔嘅味蕾，喺鬧市之中搵返屬於自己嘅一點寧靜。

Coffee Break

Coffee Break嘅八爪魚莎莎沙律陪香草青醬以彈牙爽口八爪魚為主，配上新鮮爽脆嘅沙律菜及香濃嘅青草醬，非常清新！

白酒忌廉係Coffee Break嘅秘製醬汁，非常香濃Creamy！至於青口索晒濃郁嘅忌廉汁，帶有淡淡嘅酒香，加上自身嘅鮮甜味道，味道充滿層次。

Coffee Break嘅大廚將五成熟嘅安格斯封門牛柳煎得啱啱好，大火煎香咗表面，而內裏仍然保留粉嫩嘅肉質，口感軟腍而肉味香濃，仲帶有少少焦香感。

豬扒配上紅酒蘋果蓉，除咗令豬扒帶有酸酸甜甜嘅果蓉香味，而減輕豬扒嘅油膩感；仲會令豬扒嘅肉質特別鮮嫩，完全唔會嚡口嘅體驗。

完整嘅一餐又點少得一道美味嘅甜品呢？Coffee Break嘅千層蜂蜜蛋糕唔會太甜，柔和嘅甜度配上軟綿嘅海綿蛋糕，再加上幼滑嘅忌廉作為點綴，味道同賣相都一流。

餐廳名稱：Coffee Break
地址：旺角通菜街2Q-2Z號鴻輝大廈地下4號舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！