旺角音樂大排檔：齊歡唱的懷舊經典

食大排檔，除咗鑊氣，最重要就梗係氣氛啦！位於旺角音樂大排檔，餐廳以昔日嘅歌廳為設計特色，除咗可以大展你嘅歌喉之外，旺角音樂大排檔仲會配合唔同嘅音樂主題，邀請歌手作現場音樂表演添；加埋大排檔嘅地道風味，氣氛一流，直頭好似去咗大笪地。

旺角音樂大排檔

前菜揀咗酸辣皮蛋滑豆腐，旺角音樂大排檔嘅大廚以大量辣椒、蒜頭同香醋調製，酸酸辣辣，非常開胃！皮蛋軟綿香口，豆腐豆香嫩滑，令口腔內百味雜陳，非常驚喜。

大火煎煮嘅過程，完美迫出鱔魚豐富嘅魚油馥香，而白滑嘅鱔魚外層披住金黃色嘅油脂外衣，煎至口感皮脆肉嫩。成日都會擔心鱔魚會有泥味，所以旺角音樂大排檔特意加上陳皮絲，令魚肉帶有陣陣嘅陳皮幽香同甘甜味。

食旺角音樂大排檔就當然要叫啲屋企一向少處理嘅明火炸物啦！酥脆嘅豚肉外層被炸至古銅色，咬落「咔嚓」一聲，十分香脆。而黑醋嘅酸味令本應十分油膩嘅感覺完全被淨化，加上梅頭肉嘅甘甜軟嫩，令人非常回味！

餐廳名稱：旺角音樂大排檔 Gogo Music Bar & Restaurant
地址：旺角砵蘭街180號砵蘭街180+ 1樓

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！