楚撚記大排檔：在土瓜灣找到復刻老香港的情懷

時代嘅巨輪無情地移動，連昔日嘅情懷都漸漸地流失，如果想倒流時光尋找老香港嘅韻味，推介位於土瓜灣嘅楚撚記大排檔。楚撚記大排檔以懷舊作主題，由踏進門口開始，店內裝潢做得相當細緻：懷舊招牌配上經典綠色鐵閘、閃爍霓虹燈、舊式雜貨舖櫃面、懷舊菜單燈箱，加上播放住80年代廣東經典金曲，讓你浸沉於老香港風味，打卡之餘更充滿回憶，猶如穿越返昔日最美好嘅香港，更以美食等著你回來！

楚撚記大排檔：黑松露手打蓮藕墨魚餅

墨魚餅半煎炸至金黃色，而香噴噴嘅黑松露氣味蜂擁而出！楚撚記大排檔嘅廚師每日新鮮手打製作，所以墨魚餅新鮮之餘，口感仲寧舍彈牙添！除咗墨魚之外，仲加入蓮藕粒，令口感添上一份爽脆，完美咁昇華去另一層次。

楚撚記大排檔：菠蘿拔絲咕嚕肉

楚撚記大排檔嘅咕嚕肉以肥瘦適中嘅梅頭肉製作，相對無咁油膩，更能負荷。咕嚕肉炸到脆卜卜，肉味濃酥而口感軟腍，而外層用上酸梅醬，非常清新，亦令油膩同罪惡感一掃而空。

楚撚記大排檔：拔絲焦糖香燒脆腩仔

脆腩仔用上拔絲，帶來一份高貴亦嶄新嘅感覺。一層肥一層瘦嘅脆腩仔係基本，而表皮有炸到脆卜卜，咬落去嘅時候，直頭有聲音導航，油香豐富卻無過多嘅肥膩感。楚撚記大排檔更配上小剪刀可以剪開焦糖拔絲，將肥美嘅脆腩仔搭上甜爺爺嘅焦糖，味道更加突出，有另一番體會。

楚撚記大排檔：楚撚大檸茶

去大排檔配啤酒好似係標準，但楚撚記大排檔嘅楚撚大檸茶絕對係佢哋嘅名物，茶香十足，非常清新，必試！

楚撚記大排檔：基本資料

餐廳名稱：楚撚記大排檔 ChorLand Cookfood Stall
地址：土瓜灣馬坑涌道2C號寶光大廈地下C及D號舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com