打正旗號賣過期貨？環保超級市場Green Price

近期環保成為全香港最熱門嘅議題，垃圾徵費、走塑管制等，唔知你又習慣全新嘅政策未呢？環保同大家嘅生活息息相關，減少浪費之餘，原來仲可以慳錢呢！全港設有11間分店嘅Green Price，係一間主打即將過期或已過最佳使用日期嘅環保超級市場，商品包括零食、飲品、美妝及護膚用品等，價錢超抵更可讓過期貨重生。

Green Price貨品定價
環保超級市場Green Price嘅貨品定價，主要視乎商品屬於「未過期（即將過期）」或「已過期（已過最佳使用日期）」，普遍以低於市價50%或以上出售，當然「已過期（已過最佳使用日期）」嘅貨品相對上會更平！購買時，可以留意Green Price貨架上嘅電子價錢牌，除咗會標示貨品價格之外，亦會清楚標示到期日或已過期。

Green Price貨品品質
大眾一向最關心嘅就係品質問題，而使用「未過期（即將過期）」或「已過期（已過最佳使用日期）」貨品係唔係就等於劣質呢？Green Price與浸大合作，定期抽樣測試貨品營養成份變化之餘，內部同事們亦會定期親身試食或試用，並作最後把關。

Green Price購買攻略
Green Price嘅商品因為視乎「未過期（即將過期）」或「已過期（已過最佳使用日期）」嘅數量，所以唔同嘅分店、唔同嘅日子，貨品都會有所唔同，所以每次經過Green Price都會入去行吓，可能會有驚喜架！另外，除咗環球嘅零食同美酒飲品之外，仲有美妝及護膚用品，唔少仲係國際知名品牌，真係好抵呀！不過，大家購買時，要衡量自己嘅需求，以免買得太多，令「未過期」都變成「已過期」，最後可能成為一件垃圾呢！

 

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

Green Price
地址：詳細分店地址

（記住Like同Share畀朋友

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com