【英國手信推介2026】英國旅行手信買咩好？10件英國超市手信必買回港！

【英國手信推介2026 | 10大英國超市手信推介】英國超市手信推介 | 英國旅行買咩手信返香港好呢？英國著名品牌唔少得Burberry、Jo Malone、Crabtree & Evelyn等等，但如果只係想買啲嘢食返公司、送俾姨媽姑姐或普通朋友，咁去英國超級市場掃貨就啱晒喇！不過，英國超級市場嘅選擇非常多，花多眼亂唔知從何入手？不如睇睇我哋嚴選嘅10件2026年英國超市必買回港嘅手信啦！

英國手信推介2026 | 10大英國超市手信推介

英國手信推介2026 | 10大英國超市手信推介 | 英國有唔少超級市場，包括ASDA、ALDI、Marks & Spencer Food、Morrisons、Sainsbury’s、Tesco、Waitrose等等，係大家入手英國手信嘅超級市場之一，想認識各英國超級市場嘅賣點同定位，不妨先睇睇之前介紹嘅文章（一文睇清10大英國超市攻略）。另外，買嘢之前，可以經Top Cash Back（英國TopCashback賺盡現金回贈攻略）或JamDoughnut（英國JamDoughnut賺盡現金回贈攻略）預先購買英國超級市場現金券，購物將會獲得額外回贈，抵上加抵！

英國手信推介2026 | 10大英國超市手信推介 | 1. Twinings茶包

邊間英國超級市場有售？ASDA、Morrisons、Tesco、Waitrose等

英國手信推介2026 | 10大英國超市手信推介 | 英國嘅飲茶文化淵遠流長，所以英國茶葉嘅選擇好多，如果想送茶葉俾上司或長輩作為英國手信，推介價位比較高，有皇室認證嘅Fortnum & Mason。但如果唔係太高要求嘅話，可以考慮同樣榮獲英國王室認證，價錢相對合理嘅Twinings。Twinings嘅茶包選擇非常多，首推有皇家伯爵茶（Earl Grey Tea）、歐式大吉嶺茶（Darjeeling Tea）、英倫早餐茶（English Breakfast Tea），其他選擇仲有茉莉綠茶（Jasmine Green Tea）、極品錫蘭茶（Finest Ceylon Tea）等，收到呢份英國手信嘅朋友和同事同樣會非常開心。

英國手信推介2026 | 10大英國超市手信推介 | 2. Walker’s Shortbread酥餅

邊間英國超級市場有售？Sainsbury’s、Waitrose等

英國手信推介2026 | 10大英國超市手信推介 | 餅乾絕對係熱門拎返公司嘅英國超市手信，推介1898年成位至今嘅Walker’s Shortbread！Walker’s Shortbread係英國蘇格蘭嘅經典品牌，並榮獲英國王室認證。Walker’s Shortbread以麵粉、奶油、糖同鹽製作牛油酥餅，雖然材料簡單，但酥餅嘅牛油味香濃，鬆脆可口。除咗皇家奶油酥餅之外，亦推出朱古力牛油酥餅、英式椰棗太妃牛油酥餅等口味。

英國手信推介2026 | 10大英國超市手信推介 | 3. Cadbury朱古力

邊間英國超級市場有售？ASDA、ALDI、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 未聽過Cadbury？如果翻譯成吉百利，你又有無聽過呢！吉百利由1824年成立至今，係英國歷史最悠久嘅朱古力品牌，亦同樣獲得英國王室認證，專門為王室貴族提供朱古力，品質相當有保證。雖然香港嘅超級市場都有得賣吉百利朱古力，但喺英國超級市場嘅選擇更多，可以搵啲特別口味做英國手信啦！

英國手信推介2026 | 10大英國超市手信推介 | 4. Bovril牛肉茶

邊間英國超級市場有售？ASDA、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 有無喺茶餐廳飲過牛肉茶？如果有嘅話，真係唔好咁大聲，因為都相信你已經有番咁上下年紀。香港唔少茶餐廳同冰室都曾經推出以Bovril沖調嘅牛肉茶，牛肉茶嘅營養價值高，係當年香港最受歡迎嘅飲品之一。不過，隨住社會發展，加上瘋牛症喺英國肆虐，所以Bovril已改成酵母萃取配方，而香港嘅茶餐廳同冰室亦甚少推出牛肉茶。雖然Bovril再沒有牛肉成份，但呢份英國超市手信足以令你同親朋戚友回味當年嘅經典。

英國手信推介2026 | 10大英國超市手信推介 | 5. Marmite馬麥醬

邊間英國超級市場有售？ASDA、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 如果朋友係勇於嘗試，就送佢一樽Marmite啦！Marmite嘅味道雖然非常強烈（我會用嗅腳味形容），但同榴槤一樣，鍾意佢嘅人會非常鍾意，但我就從來無見過我身邊嘅亞洲朋友鍾意Marmite喇！Marmite係由啤酒釀造過程中最後沉澱堆積嘅酵母製成，唔少外國人屋企都會有樽Marmite看門口，佢哋最鍾意用嚟搽麵包，大家不妨喺英國超市買返樽同朋友一齊開心share呢份獨特嘅英國手信啦！

英國手信推介2026 | 10大英國超市手信推介 | 6. Macaroni Cheese罐頭

邊間英國超級市場有售？ASDA、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 英國嘅國民美食，除咗炸魚薯條，仲有Macaroni Cheese（芝士通心粉）。想同朋友或同事分享英國嘅味道，炸魚薯條真係無可能，不過，Macaroni Cheese就絕對無問題喇！Macaroni Cheese係英國嘅代表食物之一，唔同超級市場都有自家品牌，包裝更有叮叮裝、杯麵裝、焗爐裝，但帶返香港最方便嘅選擇當然就係罐頭裝啦。我哋就推介HEINZ作為英國手信，佢嘅Macaroni Cheese，味道都算唔錯。

英國手信推介2026 | 10大英國超市手信推介 | 7. Tiptree果醬

邊間英國超級市場有售？Morrisons、Sainsbury’s、Waitrose等

英國手信推介2026 | 10大英國超市手信推介 | 食英式下午茶，除咗一杯紅茶、蛋糕之外，唔少得嘅仲有果醬。創立於1885年嘅Tiptree，獲得英國王室認證，係英國極具代表性嘅果醬。Tiptree更設有茶室、工場同博物館，極具規模。但如果只係想買嚟做英國手信，其實喺各大英國超級市場都非常容易搵到。佢哋嘅成名作係Strawberry Conserve，其他選擇仲有Sweet-Tip Paspberry Conserve、B;ackcurrant Conserve、Chocolate Spread、Mango Chutney等。

英國手信推介2026 | 10大英國超市手信推介 | 8. 水果

邊間英國超級市場有售？ASDA、ALDI、Lidl、Marks & Spencer Food、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 去日本旅行，我哋少不免會買啲水果做手信，咁嚟到英國又有無水果可以帶返香港做手信呢？老實講，英國嘅水果並無日本、東南亞等地方出名，本地出產嘅選擇亦唔多，但勝在唔少水果都係有機種植！我哋推介嘅英國水果有Cotton Candy Grapes（棉花糖提子）、Flat peaches（扁桃）、士多啤梨、布冧、藍梅等，但所有瓜類、熱帶水果、荔枝等都並非本地種植，絕不推介。

英國手信推介2026 | 10大英國超市手信推介 | 9. Jelly Babies橡皮糖

邊間英國超級市場有售？Morrisons、Sainsbury’s等

英國手信推介2026 | 10大英國超市手信推介 | 德國嘅橡皮糖代表有Haribo，至於英國嘅橡皮糖代表就有Jelly Babies；Haribo嘅橡皮糖以熊仔為造型，至於Jelly Babies就以BB為造型（即係我食緊BB…驚）。原來Jelly Babies可以追溯至1864年，為紀念兩次世界大戰無人認領嘅Baby，所以設計成BB造型。Jelly Babies採用純天然水果色素同水果味道，粒粒橡皮糖都蘊含真正果汁，雖然Jelly Babies推出唔同口味，但最受歡迎當然係果汁味橡皮糖，係小朋友最愛嘅英國手信啦！

英國手信推介2026 | 10大英國超市手信推介 | 10. Tyrrells薯片

邊間英國超級市場有售？ASDA、Morrisons、Sainsbury’s、Tesco、Waitrose等

英國手信推介2026 | 10大英國超市手信推介 | 薯片對於唔少亞洲人嚟講，只係下午茶同宵夜零食，但對於英國人嚟講，絕對可以成為佢哋嘅正餐，所以喺英國超級市場，薯片嘅地位非常高，品牌同選擇非常多。至於講到英國最受歡迎，口味選擇多，價錢又非常大眾化嘅選擇，應該都係Walkers薯片（Walkers已被樂事薯片收購）。不過，我哋就更喜歡Tyrrells薯片喇！首先，Tyrrells薯片以英國種植嘅薯仔製成，口味超過25款，推介嘅就有Lighly Sea Salted、Sweet Chilli and Red Pepper口味。另外，Tyrrells薯片以中產市場為定位，所以佢嘅包裝相對美觀，絕對係薯片界中，最佳嘅英國手信選擇。

英國手信推介2026 | 10大英國超市手信推介

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com