【英超朝聖】英超非會員買飛攻略及購票優惠

歐洲四大足球聯賽中以英格蘭超級足球聯賽（英超）最受香港人歡迎，身為球迷嘅你，嚟到英國當然要去朝聖自己喜愛嘅球隊啦！不過，英超熱門球隊嘅波飛一向難買，大部份英超波飛預留咗俾球會會員，作為非會員或者遊客嘅你，係點樣買英超波飛同享受波飛優惠呢？

英格蘭超級足球聯賽球隊
英超總共有20隊球隊參與，四支強隊被稱為四大豪門，分別係阿仙奴、車路士、利物浦同曼聯，加上人氣極高嘅曼城、紐卡素、熱刺等等，除非你比錢成為佢哋嘅會員，否則佢哋嘅門飛真係一票難求。由於我哋唔係以上各隊嘅球迷，更加無成為球會會員，不過，嚟到英國點都要睇場英超朝聖，所以我哋就透過Klook成功買咗曼城對白禮頓嘅賽事，現場睇波嘅氣氛真係非常高漲，連唔太認識足球嘅我哋都備受感染，最後曼城更以3:1贏咗呢場比賽！

英超買飛攻略及購票優惠
我哋今次嘅英超波飛經Klook購買，唔使較定鬧鐘搶飛，而且Klook又有唔少優惠代碼，所以非常方便！不過，Klook唔係每一場英超門飛都有賣㗎，暫時只有阿仙奴、利物浦、曼聯、曼城同熱刺部份嘅主場賽事，另外，經Klook買英超波飛亦無得揀位。不過，我哋今次買嘅曼城主場波飛被安排嘅位置都唔錯，非常超值！

提提你：經Klook購買嘅英超波飛係會安排坐喺主隊嘅範圍，大家記住唔可以着錯客隊嘅波衫入場呀！

Klook優惠代碼
旅遊優惠碼大全 | 一文睇清Klook、Kkday、Trip.com、Booking.com機票、酒店、旅遊活動優惠碼

英超換票程序
以我哋今次睇曼城主場為例嘅賽事，經Klook購買英超波飛之後，就會即時收到電子收據確實預訂，而電子版嘅英超波飛將會喺賽事3至5日前email俾你。喺英格蘭超級足球聯賽賽事當日只需要出示電子波飛上嘅QR Code，就可以直接入場，唔需要再去counter排隊換飛，夠晒方便！

曼城伊蒂哈德球場 （Etihad Stadium）
我哋今次睇嘅英超比賽係曼城對白禮頓，想了解曼城Etihad Stadium嘅交通方法、入場睇波嘅注意事項，可以參考
【曼城主場】曼城Etihad Stadium交通方法、睇波注意事項及英超購票優惠

世界各地／香港景點門票邊度買至平？
詳情請睇：https://wp.me/p8vzXP-6G

英格蘭超級足球聯賽 Premier League
購買門飛：Klook

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com