【曼城主場】曼城Etihad Stadium交通方法、睇波注意事項及英超購票優惠

曼城近五年內四奪英超冠軍，加上球隊內有唔少球星，特別係近年加盟，有魔人布歐之稱嘅夏蘭特（Haaland），令曼城球隊如日方中，成為英格蘭超級足球聯賽（英超）最受歡迎嘅球隊之一。我哋雖然唔係曼城嘅球迷，但嚟到曼徹斯特旅行，一於觀賞曼城對白禮頓嘅賽事，享受現場睇波嘅氣氛。

英超買飛攻略及購票優惠
英超有唔少人氣極高嘅球隊，如果你無成為佢哋嘅付費球會會員，真係一票難求。所以我哋今次嘅英超波飛經Klook購買，唔使較定鬧鐘搶飛，而且Klook又有唔少優惠代碼，所以非常方便！不過，Klook唔係每一場英超門飛都有賣㗎，暫時只有阿仙奴、利物浦、曼聯、曼城同熱刺部份嘅主場賽事，另外，經Klook買英超波飛亦無得揀位。不過，我哋今次買嘅曼城主場波飛被安排嘅位置都唔錯，非常超值！
詳情：【英超朝聖】英超非會員買飛攻略及購票優惠

Klook優惠代碼
旅遊優惠碼大全 | 一文睇清Klook、Kkday、Trip.com、Booking.com機票、酒店、旅遊活動優惠碼

英超換票程序
以我哋今次睇曼城主場為例嘅賽事，經Klook購買英超波飛之後，就會即時收到電子收據確實預訂，而電子版嘅英超波飛將會喺賽事3至5日前email俾你。喺英格蘭超級足球聯賽賽事當日只需要出示電子波飛上嘅QR Code，就可以直接入場，唔需要再去counter排隊換飛，夠晒方便！

入場須知
1. 經Klook購買嘅英超波飛係會安排坐喺主隊嘅範圍，大家記住唔可以着錯客隊嘅波衫入場呀
2. 入場時候係會進行保安檢查，所有武器、食物、飲品、酒同相機等唔可以帶入場
3. 攜帶嘅背囊或者手袋只可以係A4 size以下

伊蒂哈德球場 （Etihad Stadium）
Etihad Stadium係曼城嘅主場館，2002年正式啟用，造價為一億一千萬英鎊。最方便前往Etihad Stadium嘅方法係乘坐曼徹斯特輕鐵前往Etihad Campus車站。另外，Etihad Stadium亦設有2,000個停車位，方便駕駛人仕。你亦可以選擇行30分鐘，就開始由曼徹斯特市中心到達Etihad Stadium。

Etihad Stadium呈橢圓形，運動場外有唔少雕塑，入場前如果有時間不妨影相打卡。另外，場外仲有餐廳同官方營運嘅商店，大家可以喺呢度買到曼城嘅波衫、頸巾或者其他紀念品，着住曼城嘅波衫睇波，就更能投入比賽嘅氣氛。Etihad Stadium最多容納55,000人，場內亦設有酒吧同小食店，大家可以飲住嘢Chill住睇波。

曼城對白禮頓賽事
我哋今次睇嘅英超比賽係曼城對白禮頓，我哋都唔係兩隊球隊嘅球迷，不過現場嘅氣氛真係非常高漲，無論係入球、失球或任何失誤，場內嘅球迷都睇得非常肉緊，非常投入，我哋都比佢哋感染到，睇得勁興奮！最後曼城以3比1贏咗比賽，真係非常精彩！

世界各地／香港景點門票邊度買至平？
詳情請睇：https://wp.me/p8vzXP-6G

伊蒂哈德球場 Etihad Stadium
地址：Ashton New Rd, Manchester M11 3FF
購買門飛：Klook

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com