成都成都：來都來了就挑戰麻辣味蕾，倫敦川菜必食推介

倫敦唐人街嘅中餐廳選擇非常多，當中亦有唔少主打川菜。既然來都來了，不如搵一間食正宗川味嘅倫敦川菜餐廳，推介位於唐人街嘅成都成都。餐廳老師傅嚟自成都，將四川菜香辣惹味嘅特色帶到倫敦，除了水煮、冒菜、烤魚等經典川菜，仲有鍋氣十足、現煮上枱嘅砂鍋菜，鍾意食辣嘅朋友值得一試。

成都成都

怕辣嘅話，不如由一個前菜先開吓胃！成都成都嘅牛油果拌蝦球，以微微嘅芥末辛辣感刺激味蕾，加上香濃嘅牛油果、新鮮彈牙嘅蝦球，確實醒胃。

上枱嘅時候，配料都係生嘅，由店員協助加熱，令砂鍋菜可以一直保持熱力。食材新鮮之餘，仲會越煮越入味。菌菇鮮香十足，雞肉非常嫩滑，連湯底都非常鮮甜。鍾意熱辣辣砂鍋菜嘅話，呢道成都成都砂鍋菌湯雞值得試。

想食倫敦冒菜，成都成都亦係一個值得留意嘅選擇。配料可以自己選擇，我哋就揀咗鴨血、牛百葉、冬瓜、嫩牛肉同紅薯粉，全部都係非常吸辣嘅配菜，食落夠晒入味。味道先香再辣，最後帶少少回甘，層次感幾豐富，對於鍾意麻辣川菜嘅朋友嚟講，值得推介。

餐廳名稱：成都成都 Chengdu Chengdu
地址：4 Leicester St, London WC2H 7BL

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！