滿記甜品：在倫敦乜能吃到的港式甜品

一份完美嘅晚餐，又點少得甜品呢！歐美嘅甜品通常以蛋糕為主，但對於我哋嚟講，蛋糕會有少少溜，所以相對refreshing嘅港式甜品就更為吸引！位於倫敦唐人街嘅滿記甜品，除咗滿記招牌嘅楊枝甘露，傳統嘅紅豆沙、芝麻糊、豆腐花都有，滿足之餘，更為一餐飯畫上完美句號。

滿記甜品

楊枝甘露可以話係滿記甜品嘅招牌同成名作，滿記甜品亦將呢份經典帶到嚟倫敦。芒果非常鮮甜，加上酸酸哋嘅柚子，酸酸甜甜，非常醒胃。至於所謂雪山就係加上雲尼拿雪糕，如果係芒果蛋糕會更完美。

唔少港式甜品都以芒果做主角，倫敦嘅滿記甜品都唔例外。芒果香甜多汁，加上黑糯米同椰香雪底，口感豐富之餘，仲非常refreshing，係滿記甜品嘅人氣之選。

滿記甜品嘅紅豆沙綿密香甜，配上滋補養顏嘅桃膠，令口感更為豐富。

滿記甜品嘅芝麻糊似係現成沖水嘅即食包，所以芝麻糊唔夠香濃，反而滑嫩嘅豆腐花，成為呢個甜品嘅重點。

平時食港式甜品都會慣性叫港式三寶，但倫敦嘅滿記甜品就只有一寶，不過魚蛋唔夠彈牙，咖喱唔夠濃郁，可以skip。

餐廳名稱：滿記甜品
地址：33 Shaftesbury Ave, London W1D 7EH
營業時間：星期一至日 12:00-22:30

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！