Lucky Dog：倫敦小阿拉伯的驚喜砂鍋米線

Brick Lane係倫敦嘅小阿拉伯，除咗清真寺之外，仲有唔少孟加拉族開嘅餐廳，極具異國風情，成為倫敦熱門嘅景點。而近年區內亦多咗好多中式選擇，其中主打東北菜嘅Lucky Dog，佢嘅砂鍋米線就最得我心，嚟Brick Lane半天遊，都唔怕啲嘢唔啱食啦！

Lucky Dog

Lucky Dog嘅水煮肉片又嫩又入味，而且份量十足；重點當然唔少得索晒紅油湯汁嘅芽菜，麻香層次豐富，配埋白飯就一流。

一見到通菜真係唔洗諗即叫！通菜嘅份量雖然唔算好多，但嚟到歐洲嘅通菜秒變貴價食材，所以Lucky Dog其實都算良心。簡簡單單用蒜蓉炒通菜，就係幸福。

但講到最鍾意嘅當然係砂鍋米線！Lucky Dog嘅米線並唔係主打麻辣或酸辣嘅口味，反而係加咗份量十足嘅花甲，令湯底鮮甜味大增。加上砂鍋令湯底保持熱度，令米線更索湯，真係令我哋愛不釋手。

餐廳名稱：Lucky Dog Chinese Restaurant & Takeaway
地址：70 Brick Ln, London E1 6RL

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！