大味麻辣燙：麻辣燙流行於墨爾本

一直以為啲外國人唔太食得辣，但原來我係錯㗎。喺墨爾本見得最多嘅中式選擇，應該就係麻辣燙，由街頭行到街尾都有唔少麻辣燙餐廳，而餐廳入面除咗華人之外，竟然仲有唔少外國人呢！所以麻辣燙喺墨爾本非常流行，而最啱我哋口味嘅，應該係大味麻辣燙。

大味麻辣燙

大味麻辣燙嘅湯底選擇，有成六款。經典嘅麻辣紅湯，可細分辣度為小辣、中辣、大辣，除咗麻同辣嘅刺激之外，其實細味湯嘅基底係充滿香濃嘅骨香味。除咗麻辣紅湯同乾嘅麻辣香鍋之外，大味麻辣燙仲有大骨濃湯、番茄湯等唔辣嘅選擇，其中酸菜金湯，極具層次，係另一推介。

食麻辣燙最開心當然係喺個雪櫃內揀選自己喜歡嘅配料，而大味麻辣燙嘅配料選擇超過60款，鴨血、魷魚鬚都係我嘅必食推介。至於腐竹、金針菇、芋絲、凍豆腐等索湯嘅配料同樣唔少得。整體嚟講，大味麻辣燙嘅配料選擇除咗多之外，仲非常衛生企理，難怪我哋都排咗半個鐘先有得入座啦！

餐廳名稱：大味麻辣燙 David’s Master Pot
餐廳地址：219 Russell St, Melbourne VIC 3000
營業時間：星期一至星期四及星期日 12:00–01:00、星期五至星期六 12:00-02:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！