【西貢白腊灣一日遊】露營賞花打卡秘景 西貢隱世白腊村

【西貢白腊灣一日遊 – 西貢白臘灣打卡好去處】香港雖然無荷蘭式風車，但就有期間限定嘅荷蘭式花海喇！今日我哋行萬宜水庫東壩嘅時候，就順便嚟到位於西貢嘅隱世村莊 – 白腊村。雖然白腊村嘅荷蘭式花海係期間限定，不過，呢度都有啱晒打卡嘅彩色屋仔，加上仲有一間臨海士多，啱晒行麥里浩徑一段（萬宜水庫段）嘅時候作中段休息補給啦！

西貢白腊灣一日遊 | 西貢白臘灣打卡好去處 | 前往方法

1. 巴士：於港鐵鑽石山站或西貢市中心坐九巴96R至北潭涌落車，再轉乘的士前往
2. 街渡：於西貢碼頭搭45分鐘船，即可到達，但船費則以人數由船主釐定

西貢白腊灣一日遊 | 西貢白臘灣打卡好去處 | 提提你

1. 旁邊就係附近居民居住嘅地方，所以大家遊玩參觀嘅時候，記住保持寧靜
2. 大家記住保持環境清潔，自己垃圾自己帶走
3. 白腊村蚊蟲眾多，應做足防蚊措施

遊玩西貢萬宜水庫東壩詳情：由東壩玩到西壩 西貢萬宜水庫打卡漫遊

西貢白腊灣一日遊 | 西貢白臘灣打卡好去處 | 白腊村

西貢白腊灣一日遊 | 西貢白臘灣打卡好去處 | 位於西貢嘅白腊村係一條超過三百年歷史嘅客家村莊，由於白腊村嘅交通唔方便，所以非常隱秘。但近年村民將村落翻新，加上種植多個品種嘅鬱金香，吸引咗唔少遊客，令白腊村變成人氣景點。

西貢白腊灣一日遊 | 西貢白臘灣打卡好去處 | 白腊村花海

西貢白腊灣一日遊 | 西貢白臘灣打卡好去處 | 白腊村之所以為人熟悉，全因為每年3月嘅鬱金香花海！村民會種植多種色彩繽紛嘅鬱金香，令白腊村花海成為一個打卡嘅熱點！但有唔少遊客就反映，鬱金香花田對外宣稱係免費參觀，但入到嚟之後就發現需要收取入場費而大失預算。不過，我哋今日嚟到，由於唔係鬱金香花海嘅季節，加上只有少少嘅小黃花，所以就未有收取入場費喇！

西貢白腊灣一日遊 | 西貢白臘灣打卡好去處 | 白臘村彩色小屋

西貢白腊灣一日遊 | 西貢白臘灣打卡好去處 | 花海雖然係期間限定，但入到嚟白臘村，仲有代表白臘村嘅地標：彩色小屋！近年翻新嘅時候，村民就將歷史悠久嘅客家村莊外牆油上唔同顏色，令古舊嘅村莊搖身一變，令大家彷彿置身外國嘅小鎮！呢個小鎮絕對係啱晒大家影相打卡呀！

西貢白腊灣一日遊 | 西貢白臘灣打卡好去處 | 白臘灣海灘

西貢白腊灣一日遊 | 西貢白臘灣打卡好去處 | 冬天嘅時候，白臘灣海灘會成為唔少露營朋友喜愛嘅紮營地點；至於夏天嘅白臘灣海灘當然就是潛水、浮潛、游水同曬太陽嘅熱門地點啦！白臘灣海灘因為水清沙幼，海景静美，所以有港版馬爾代夫之稱。

西貢白腊灣一日遊 | 西貢白臘灣打卡好去處 | 白腊士多

西貢白腊灣一日遊 | 西貢白臘灣打卡好去處 | 至於我哋今次嚟到白腊村嘅最主要原因，當然就係醫肚啦！因為白腊士多可能係成段麥里浩徑一段（萬宜水庫段）嘅唯一餐廳。呢度嘅公仔麵收費一啲都唔平，但飯類價錢又算合理。今日我哋就叫咗招牌咖哩牛腩飯同煎豬扒飯，講真味道就唔會有咩驚喜，但勝在對正海景，真係好寫意！另外，白腊士多亦為食客提供洗手間，啱晒一班遠足人士；而且白腊士多亦售賣露營補給品、水上活動用品及設有沖身區，啱晒大家喺呢度作中途補給啦！

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

白腊村 Pak Lap Village

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com