【虎豹別墅攻略2026】大坑虎豹別墅重開 預約免費導賞團參觀
【虎豹別墅2026 | 虎豹別墅預約導賞團】仲記得小時候，A姐嘅公公帶過我去位於大坑嘅虎豹別墅玩，講到以前虎豹別墅最深刻嘅景點，當然係十八層地獄啦！細細個覺得好恐怖架，但至少學識咗唔少做人道理。虎豹別墅於2022年12月交還政府營運，古物古蹟辦事處宣佈虎豹別墅導賞團於2023年6月6日（星期二）上午10時起接受報名，免費開放私人花園同大部分室內空間畀市民參觀！今個weekend不如同虎豹別墅再約會啦！
預約免費導賞團：www.amo.gov.hk
虎豹別墅2026 | 虎豹別墅預約導賞團 | 虎豹別墅前往方法
1. 專線小巴 21M或巴士 11、41A、63於上林巴士站落車
2. 巴士81、25A、26於光明臺落車
3. 如果揸車嘅，可停泊於勵德邨停車場
虎豹別墅2026 | 虎豹別墅預約導賞團 | 萬金油花園
虎豹別墅2026 | 虎豹別墅預約導賞團 | 當年嘅虎豹別墅同萬金油花園，依山而建，而胡文虎先生同佢嘅屋企人就係住喺紅牆綠瓦嘅大宅內，而當年胡文虎先生興建萬金油花園，係為咗讓當年殖民地時期嘅華人有一個公共空間遊樂（當時好多地方，華人與狗不得內進），花園內除咗十八層地獄，虎塔亦係園內嘅地標，不過，自1954年胡文虎先生病逝後，萬金油花園等地段分階段出售，只留下被評為一級歷史建築嘅虎豹別墅主樓同私人花園，最後加入音樂同藝術元素，重新活化成為今日嘅虎豹樂圃。
虎豹別墅2026 | 虎豹別墅預約導賞團 | 虎豹別墅入口
虎豹別墅2026 | 虎豹別墅預約導賞團 | 當年嘅正門大閘，依家同旁邊嘅住宅相連，所以參觀者要經新建嘅電梯入口入場，入場處就有吉祥物：虎先生，迎接大家。
虎豹別墅2026 | 虎豹別墅預約導賞團 | 十八層地獄
虎豹別墅2026 | 虎豹別墅預約導賞團 | 而當中嘅十八層地獄就變成浮雕壁畫，講真，真係無以前咁震撼。
虎豹別墅2026 | 虎豹別墅預約導賞團 | 雕刻
虎豹別墅2026 | 虎豹別墅預約導賞團 | 當年喺萬金油花園嘅少量雕刻得以保留。
虎豹別墅2026 | 虎豹別墅預約導賞團 | 中央噴泉
虎豹別墅2026 | 虎豹別墅預約導賞團 | 呢個噴泉配合埋別墅做背景，絕對係係虎豹樂圃嘅一個最靚嘅打卡位。
虎豹別墅2026 | 虎豹別墅預約導賞團 | 虎豹別墅
虎豹別墅2026 | 虎豹別墅預約導賞團 | 別墅屬中式文藝復興建築風格，外型係中式，但唔少設定都夾雜住西方嘅味道，好似係裝有意大利彩繪玻璃窗、印度式嘅雕刻、裝飾同鍍金壁畫等等。
虎豹別墅2026 | 虎豹別墅預約導賞團 | 虎豹別墅導賞團
預約免費導賞團：www.amo.gov.hk
虎豹別墅2026 | 虎豹別墅預約導賞團 | 導賞員帶領大家參觀別墅嘅私人花園同大部分室內空間，介紹佢嘅歷史、建築特色同文物價值。大家可以喺古蹟辦網站選取參觀日期同時段，並填寫網上報名表格預先登記，古蹟辦將以電郵通知申請結果。古蹟辦會於星期一或在每星期第一個工作天，更新未來四個星期開放參觀的時段，大家不要錯過！導賞團由資深導遊講解，令我哋對虎豹別墅有更深嘅認識。原來別墅喺1930年代興建，當時因為胡文虎嘅太太好鍾意香港，所以胡文虎先生以5萬元港幣購入呢塊地，而建築費則高達3百萬美金，以當時嚟講，確實係天文數字。
飯廳樓底非常高，空間十足，加上天花嘅金箔，真係非常高雅。喺飯廳嘅側邊，仲有一個吸煙區，以前胡先生同朋友就會喺呢度談笑風生。
嚟到主人房，呢度非常寬敞，特別鍾意佢個以綠色為主調嘅浴室，真係好大，仲有洗pat pat嘅馬桶添！
喺參觀途經嘅走廊，仲有唔少嚟自緬甸，充滿宗教色彩嘅浮雕，以顯示胡氏家族與東南亞嘅關係。
最後嚟到頂層嘅天台，原來以前係無敵大海景，但經過發展之後，海景都俾前面嘅大廈遮檔唔少。導賞員要我哋特別留意簷篷嘅神獸，除咗裝飾，仲相傳呢隻神獸會噴水，有防火滅火嘅作用。
世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–
虎豹別墅2026 | 虎豹別墅預約導賞團 | 虎豹別墅 Haw Par Mansion
地址：香港大坑大坑道15號A
開放時間：星期一至日 09:00-19:00
網址：www.hawparmusic.com
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
