【英國倫敦免費博物館推介2026】玩轉19間倫敦免費博物館 我今日真係學咗好多嘢

【英國倫敦免費博物館推介2026】倫敦作為英國嘅首都，亦係國際嘅大都會，所以每年都吸引唔少遊客旅遊觀光。倫敦嘅景點好多，但嚟倫敦旅遊，當然唔少得參觀博物館啦！唔講唔知，倫敦原來多達250間大大小小嘅博物館，每間博物館都充滿特色，一日玩一間都可以玩足8個月呀，所以倫敦亦有「博物館之都」嘅美譽！我哋就綜合咗19間我今日真係學咗好多嘢嘅倫敦免費博物館俾大家參考，絕對係倫敦嘅親子好去處同打卡好去處呀！

英國倫敦免費博物館推介2026 | 1. 大英博物館 British Museum

地址：Great Russell St, London WC1B 3DG（地圖）
預約免費博物館門票：www.britishmuseum.org
鎮店作品：《摩艾石像》、《波特蘭花瓶》、《聖甲蟲》、《亞尼的死者之書》、《神奈川沖浪裏》等

英國倫敦免費博物館推介2026 | 大英博物館係人生必去嘅世界四大博物館之一，喺1759年正式對公眾開放，成為全球第一座對公眾開放嘅博物館。大英博物館多達800多萬件展品，博物館會不定時更新展品，而大部份文物同展品都係嚟自英國海外殖民擴張時候獲得，所以有唔少人話大英博物館其實係一個「賊竇」，但亦因為呢個「賊竇」，令唔少歷史文物可以避過戰火嘅洗禮同破壞，令大家今時今日仲可以親眼睇到呢件珍品。

英國倫敦免費博物館推介2026 | 2. 泰特現代藝術館 Tate Modern

地址：Bankside, London SE1 9TG（地圖）
鎮店作品：《窗戶同時打開》、《日盲》、《莫里茨堡的沐浴者》、《無盡的節奏》等
詳情：倫敦的M+博物館 泰特現代藝術館

英國倫敦免費博物館推介2026 | 泰德現代藝術館前身係一間發電站，經過活化後，喺1994年改建成以現代藝術為主題嘅泰特現代藝術館。展品主要透過聲音、影像、光線、雕塑、繪畫同擺設呈現當代藝術作品。另外，泰特現代藝術館亦有收藏亨利馬蒂斯、畢卡索、薩爾瓦多達利、馬克羅斯科等大師級嘅作品，係大英博物館以外，倫敦最強人氣嘅博物館之一。

英國倫敦免費博物館推介2026 | 3. 國家美術館 National Gallery

地址：Trafalgar Square, London WC2N 5DN（地圖）
預約免費博物館門票：www.nationalgallery.org.uk
鎮店作品：《與父神和聖靈的誕生》、《阿爾諾非尼夫婦》、《維納斯與戰神》、《岩間聖母》、《向日葵 — 花瓶里的十五朵向日葵》等

英國倫敦免費博物館推介2026 | 國家美術館收藏咗多達2,300件由1260年至1900年之間嘅繪畫作品，畫家包括達文西、烏切洛、米開朗基羅、梵谷等，讓大家可以了解唔同時期作品嘅特色，例如係現實主義、印象派、野獸派、抽象派等。

英國倫敦免費博物館推介2026 | 4. 維多利亞和艾伯特博物館 Victoria and Albert Museum

地址：Cromwell Rd, London SW7 2RL（地圖）
鎮店作品：《大衛像》、《天堂之門》、維多利亞女王嘅《藍寶石鑽石冠冕》等

英國倫敦免費博物館推介2026 | 喺1851年，英國倫敦舉辦咗第一屆以「萬國工業博覽會」為主題嘅世界博覽會，而為咗存放博覽會後嘅陳列品同模型，就用當時博覽會所賺嘅錢，興建博物館，後期就演變成今日，以工藝美術及應用藝術為主題嘅維多利亞和艾伯特博物館。

英國倫敦免費博物館推介2026 | 5. 動物學博物館 Grant Museum of Zoology

地址：Rockefeller Building, 21 University St, London WC1E 6DE（地圖）
鎮店作品：渡渡鳥骨架、塔斯馬尼亞虎骨架等

英國倫敦免費博物館推介2026 | 動物學博物館嘅面積非常細，但絕對係最「驚」喜嘅倫敦免費博物館。點解會咁嘅？因為呢個博物館收藏咗超過68,000件唔同動物嘅骸骨同標本。除咗獅子、老虎、大笨象等動物之外，就連已經絕種嘅動物骸骨都喺呢度搵到，絕對係一個讓你了解古今動物學嘅動物王國。

英國倫敦免費博物館推介2026 | 6. 皇家音樂學院博物館 The Royal Academy of Music Museum

地址：Museum, 1–5 York Gate, Marylebone Rd, London NW1 5HT（地圖）
鎮店作品：莫札特《鋼琴協奏曲24號》親筆簽名樂譜等

英國倫敦免費博物館推介2026 | 英國嘅皇家音樂學院係英國，甚至係全世界音樂人最嚮往嘅學府之一。至於，喺倫敦嘅皇家音樂學院博物館，當然就要音樂為主題，博物館入邊仲有唔同嘅互動展區，大家可以盡情發揮你嘅音樂靈感。當然仲有唔少極具珍藏價值嘅小提琴、鋼琴等西洋樂器，鍾意音樂嘅朋友絕對唔可以錯過。

英國倫敦免費博物館推介2026 | 7. 兒童博物館 V&A Museum of Childhood

地址：Cambridge Heath Rd, Bethnal Green, London E2 9PA（地圖）

英國倫敦免費博物館推介2026 | 「叮噹可否不要老？」我哋細個時候玩嘅玩具，你會諗起咩，高達模型？椰菜娃娃？電子寵物？Game Boy？咁唔知英國嘅小朋友又玩咩玩具呢？喺倫敦嘅兒童博物館就展出咗近50年嘅兒童玩具，展品除咗以靜態展出嘅形式，亦有唔同嘅互動體驗，甚至試玩專區，絕對係小朋友最鍾意嘅倫敦免費博物館。

英國倫敦免費博物館推介2026 | 8. 自然史博物館 Natural History Museum

地址：Cromwell Rd, South Kensington, London SW7 5BD（地圖）
預約免費博物館門票：www.nhm.ac.uk
鎮店作品：恐龍化石、藍鯨化石、動物標本等

英國倫敦免費博物館推介2026 | 自然史博物館以植物學、昆蟲學、礦物學、古生物學、動物學，分為五大主題，展品多達7000萬件化石同標本。

英國倫敦免費博物館推介2026 | 9. 英國皇家空軍博物館 Royal Air Force Museum London

地址：Grahame Park Way, London NW9 5LL（地圖）
預約免費博物館門票：www.rafmuseum.org.uk
鎮店作品：F35 戰鬥機、Westland Sea King Helicopter等
詳情：軍事航空迷必到 倫敦英國皇家空軍博物館

英國倫敦免費博物館推介2026 | 英國曾經擁有大量殖民地，被稱為「日不落帝國」。呢個帝國更加成為兩次世界大戰嘅戰勝國，除咗海軍，其實英國嘅皇家係世界上最古老嘅獨立空軍，喺現今世界舞台都有一定影響力。呢個英國皇家空軍博物館就以英國嘅空軍為主題，展出超過250架，真實嘅退役軍機。

英國倫敦免費博物館推介2026 | 10. 國家肖像館 National Portrait Gallery

地址：St. Martin’s Pl, London WC2H 0HE（地圖）
鎮店作品：亨利七世畫像、莎士比亞畫像、伊利沙伯二世畫像等

英國倫敦免費博物館推介2026 | 國家肖像館喺1856年對外開放，係世界上最大嘅肖像博物館，收藏超過21萬件展品，呢啲肖像包括由16世紀至今影響英國與世界嘅人物，例如英國歷代嘅君主、科學家同藝術家畫像。

英國倫敦免費博物館推介2026 | 11. 國家海事博物館 National Maritime Museum

地址：Romney Rd, London SE10 9NF（地圖）
預約免費博物館門票：www.rmg.co.uk

英國倫敦免費博物館推介2026 | 英國海軍喺二次世界大戰前為全世界最強嘅海軍，大航海時代征服全世界，顯赫一時成為海上盟主，直至而家仍然係影響世界嘅海軍之一。呢間位於倫敦格林威治嘅國家海事博物館，就以英國航海時代為主題，展出海事相關文物，亦係全世界同類型嘅最大規模嘅博物館。

英國倫敦免費博物館推介2026 | 12. 倫敦博物館 Museum of London

地址：150 London Wall, Barbican, London EC2Y 5HN（地圖）
預約免費博物館門票：www.museumoflondon.org.uk

英國倫敦免費博物館推介2026 | 倫敦作為全球數一數二嘅大城市，呢個倫敦博物館就將倫敦嘅歷史重演眼前。喺1666年，倫敦就經歷一場燒咗4日嘅大火，城市面貌被嚴重破壞，所以今日倫敦唔少嘅城市建築都係1666年後重新規劃。另外呢個博物館仲將維多利亞時期嘅倫敦場景重現，大家可以喺呢度打卡影相。

英國倫敦免費博物館推介2026 | 13. 國家陸軍博物館 National Army Museum

地址：Royal Hospital Rd, London SW3 4HT（地圖）

英國倫敦免費博物館推介2026 | 以陸軍為主題嘅國家陸軍博物館，就展出唔同時期嘅英國王室陸軍嘅展品，除咗軍服、裝備、關對生活，仲介紹殖民地地區嘅英籍陸軍，甚至係而家嘅特種部隊，鍾意軍事研究嘅朋友，一定唔可以錯過。

英國倫敦免費博物館推介2026 | 14. 帝國戰爭博物館 Imperial War Museum

地址：Lambeth Rd, London SE1 6HZ（地圖）
預約免費博物館門票：www.iwm.org.uk

英國倫敦免費博物館推介2026 | 帝國戰爭博物館成立於第一次世界大戰期間，以記錄大英帝國戰爭嘅犧牲。但喺一戰之後，世界仍然未見得和平，之後就發生二戰、越戰、韓戰、兩伊戰爭，甚至係近年嘅俄烏戰爭，所以帝國戰爭博物館嘅展品不斷增加，包括個人同官方嘅檔案、文件、照片、電影、軍備，甚至口述錄音等，但其實展品增加等同戰爭繼續影響全球。

英國倫敦免費博物館推介2026 | 15. 索恩博物館 Sir John Soane’s Museum

地址：13 Lincoln’s Inn Fields, London WC2A 3BP（地圖）

英國倫敦免費博物館推介2026 | 索恩博物館曾經係新古典主義建築家約翰·索恩嘅住宅兼工作室，呢位建築家好聽啲嘅係一個收藏家，唔好聽嘅就係一個「垃圾佬」，但呢個「垃圾佬」收藏嘅嘢一啲都唔垃圾！雖然博物館面積細小，但收藏眾多古希臘羅馬文物，甚至係埃及石棺、繪畫同古董等過萬件展品呢！

英國倫敦免費博物館推介2026 | 16. 華勒斯典藏館 The Wallace Collection

地址：Hertford House, Manchester Square, London W1U 3BN（地圖）

英國倫敦免費博物館推介2026 | 華勒斯典藏館係英國慈善家Richard Wallace爵士嘅住所，喺1897年由遺孀將全部收藏同大宅一併贈送俾國家。博物館主要收藏15至19世紀嘅藝術、工藝珍品、軍械盔甲等，展品超過5500件，其中藝術展品以文藝復興時期為主，所以對於文藝復興感到興趣嘅朋友，呢個博物館一定令你大開眼界。

英國倫敦免費博物館推介2026 | 17. 陰道博物館 Vagina Museum

地址：18 Victoria Park Square, Bethnal Green, London E2 9PF（地圖）
預約免費博物館門票：www.vaginamuseum.co.uk

英國倫敦免費博物館推介2026 | 以上介紹嘅16間博物館都係以歷史、藝術、軍事、科學為主題，而呢間介紹嘅免費博物館就以陰道為主題，帶住有色眼鏡嘅你，一定覺得好好笑或者好尷尬，但其實呢間博物館反而最需要大家認真看待。陰道博物館係全球首間同類型嘅博物館，以衛生棉條、月亮杯同內褲為展品，並探討關於月經、避孕、私處衛生及性行為嘅真相，為大家解開陰道嘅迷思同誤解，讓大家擺脫舊時代嘅階級主義、恐同目光同尊重唔同性別及性傾向嘅族群。

英國倫敦免費博物館推介2026 | 18. 家屋博物館 Museum of the Home

地址：136 Kingsland Rd, London E2 8EA（地圖）

英國倫敦免費博物館推介2026 | 家屋博物館以「家」為主題，探索過去到現代嘅生活方式。喺博物館入面，除咗展出英國中產階級嘅家庭生活，更加展出世界各地唔同人屋企嘅設計、擺設等等，讓你更加了解世界唔同嘅文化同對「家」嘅要求。

英國倫敦免費博物館推介2026 | 19. 設計博物館 Design Museum

地址：224-238 Kensington High St, London W8 6AG（地圖）

英國倫敦免費博物館推介2026 | 顧名思義，設計博物館以設計為主題，將大家生活入邊用到嘅產品，例如電器、時裝、交通、貨幣等唔同嘅範疇，由大家了解設計係如何融入大家嘅生活。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

英國倫敦免費博物館推介2026

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com