Aló Restobar：大坑情調西餐的微醺夜

想搵間有情調嘅餐廳，大坑確實有唔少選擇！主打西餐嘅Aló Restobar，從燈光嘅調色開始，配上深色木質調同暗黑牆身，營造出型格嘅佈置；牆身放滿一整排美酒嘅酒櫃，加添奢華嘅氣派，讓你享受美食及微醺嘅夜晚。

Aló Restobar

嚟到Aló Restobar又點可以唔食西班牙燒乳豬啦！乳豬皮燒到卜卜脆，乳豬嘅肥瘦分明，油香十足，令肉質更為嬌嫩。加上少少嘅乳豬醬，味道更回味無窮！

來自法國嘅BB藍青口，肉質非常鮮甜，簡單配以白酒、忌廉同埋蒜頭作為調味，令青口嘅鮮甜味道更為突出。

幼身嘅天使麵掛滿蕃茄醬汁，非常惹味，而且麵條嘅口感柔軟彈牙，加上拉絲嘅芝士，味道就更香濃。配料加上煙肉，加上淡淡嘅蒜蓉香味，令味道層次更加豐富。

西餐嘅甜品又點少得Apple Crumble呢！外層酥脆帶出內層蘋果蓉嘅酸甜味，加上雲呢拿雪糕，冷熱交集嘅冰火交融，令口感非常刺激。

餐廳名稱：Aló Restobar
地址：大坑施弼街12-13號地下A號舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！