泰式美食：九龍城舒適的泰國菜選擇

泰式美食由舊舖搬咗嚟新舖之後，繼續由泰國嘅大廚主理，除咗正宗嘅味道依舊之外，更成為九龍城其中一間坐得舒服嘅泰國菜選擇，啱晒約埋朋友一齊嚟泰式美食品嘗暹羅嘅味道啦！

泰式美食

食泰國菜唔少得豬頸肉！泰式美食嘅豬頸肉燒到焦邊香脆，帶有炭燒香味；而醬汁以青檸同魚露為首，再混合不同醬汁，加添上一份清新嘅醒胃感。

泰式美食嘅冬蔭功湯，用上香茅、南薑、香葉等香料作為冬陰功嘅底味，另外加入咗大量海鮮，鮮甜嘅鮮蝦同青口、嫩滑彈牙嘅魷魚，喺酸辣以外，仲有海鮮嘅鮮甜，越食越開胃！

泰式美食嘅牛仔骨口感軟腍，生熟程度啱啱好，而骨邊略帶油脂，令肉味更為juicy。

田雞清洗得非常乾淨，肉質嫩滑，而泰式美食加入香葉嚟爆炒，更令田雞充滿住香葉嘅清新，加上辣椒令田雞添上辛辣感，夠晒惹味。

尾聲又點少得芒果糯米飯作為甜品呢！椰汁覆蓋住黑白分明嘅糯米飯，黑糯米口感煙靭，白糯米則質感軟糯，配上微酸嘅芒果，令飽滯感一掃而空！

餐廳名稱：泰式美食 Thai Style Food
地址：九龍城福佬村道21號地舖

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！