【英國免費剪髮2026】究竟有無伏？倫敦Total Barber Academy

【英國免費剪髮推介2026 | 英國慳錢】英國剪頭髮真係好貴，求其搵間髮型屋剪頭髮，至少£35起跳，有啲華人髮型屋甚至索價£50或以上；如果你係短頭髮，可以考慮去Barber Shop，比髮型屋平啲啲，大概£10起跳。如果想再平啲，只要你肯做Model，可以去英國各地嘅髮藝學院，剪頭髮就完全免費，其中推介位於倫敦嘅Total Barber Academy。

英國免費剪髮推介2026 | 英國慳錢 | 1. 預約網址

英國免費剪髮推介2026 | 英國慳錢 | Total Barber Academy鄰近倫敦地鐵Old Street站附近，髮型屋不接受walk-in及電話預約，大家只可以提前網上預約（預約網址）成為Model。網上預約非常簡單，只要揀選日期和時間，再輸入個人資料，如姓名、電話及電郵即可。成功預約後就會收到確認電郵，而你就即將成為Model喇！

英國免費剪髮推介2026 | 英國慳錢 | 2. 剪髮過程

英國免費剪髮推介2026 | 英國慳錢 | Total Barber Academy位於大廈嘅地牢，有少少難搵，但只要去到Google map所在位置，再望望個水牌就會見到。到達髮型屋之後，會有職員協助點名，而同一預約時段會有唔同Model，流水式運作，到時會跟據大家嘅先後次序，再安排唔同嘅學生負責。建議大家預備有關相片俾學院嘅學生參考，過程中髮藝學院嘅老師從旁指導。整個剪髮過程約需1小時，剪髮過程中，學生都會不斷問你意見，例如長短啱唔啱心水。我哋都剪咗好多次，唔可以話好完美，但絕對見得人！

英國免費剪髮推介2026 | 英國慳錢 | 3. 常見問題

1. 請問甚麼人才可以申請成為髮藝學院嘅Model？
答：任何人都可以成為髮藝學院嘅Model，享受免費剪髮嘅優惠。但剪頭髮由學生操刀，所以如果你介意做白老鼠就唔好去喇
2. 請問免費剪髮嘅過程要幾耐？
答：剪頭髮由學生操刀，而髮藝學院嘅老師亦會從旁指導，視乎頭髮長度和學生嘅能力，所以整個剪髮過程約需1小時以上
3. 請問免費剪髮可唔可以要求指定髮型師？
答：唔可以！Total Barber Academy嘅學生嚟自世界各地，所以有機會見到嚟自香港嘅學生，但大家唔可以指定任何一個髮型師操刀
4. 請問免費剪髮有無髮型長度限制？
答：無！Total Barber Academy雖然係一間Barber Shop，以剪短頭髮為主，但我哋都見過唔少長頭髮嘅人幫襯
5. 請問免費剪髮可以自己要求髮型嗎？
答：可以！不過，大部份學生都係講英文，如果你唔太認識髮型嘅英文，建議預備有關相片俾學院嘅學生參考
6. 請問免費剪髮除咗剪頭髮，仲有無染髮同電髮服務？
答：無！Total Barber Academy係一間Barber Shop，只提供單剪服務
7. 如果免費剪髮剪得唔滿意，咁點算？
答：整個免費剪髮過程，都由髮藝學院嘅老師從旁指導，通常都好少出事。不過，亞洲髮型同歐洲髮型都真係好唔同，所以如果你嘅髮型係好複雜或你對自己嘅髮型好有要求，建議就唔好去免費剪髮，始終人哋都係學生，經驗未必達到你嘅要求
8. 請問剪完頭髮要俾貼士嗎？
答：唔洗！剪完頭髮之後，講聲「Thank You」就得喇
9. 預約後可以更改或取消嗎？
答：可以！成功預約後，可以提前24小時更改或取消。如果No-show嘅話，就會被列入黑名單，之後唔可以再預約
10. 有無其他英國免費髮型屋推介？
答：英國各地都有髮藝學院，少部份會有象徵式收費，其他嘅髮藝學院可以自行google查閱

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

英國免費剪髮推介2026 | 英國慳錢 | Total Barber Academy
地址：71 Leonard St, London EC2A 4QS
電話：+44 020 7739 7690
營業時間：星期一至五（公眾假期除外） 11:00 – 20:30
網址：www.freelondonbarbers.co.uk

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com