【英國倫敦米線推介2026】英國首間港式米線店，倫敦雲貴川米線真係神還原嗎？
【英國倫敦米線推介2026 | 倫敦雲貴川米線】旅居英國之後，發現身邊大部分嚟自香港嘅鄰居都話可以神還原三哥米線。咁點解英國首間港式米線店開幕至今，日日都咁多人排隊呢？其實你哋平時係咪扮嘢，事實根本同我一樣神還原唔到吖！所以我就約埋神還原失敗聯盟嘅成員，嚟到倫敦雲貴川米線朝聖，試吓係未真係咁值得推介啦！
英國倫敦米線2026 | 倫敦雲貴川米線：酸辣米線
英國倫敦米線2026 | 倫敦雲貴川米線 | 兩個字：失望！倫敦雲貴川米線採用QR code自行落單，叫咗3個餸加配小食同飲品，仲要收12.5%服務費，多謝£26！雖然話英國無得食港式米線，但倫敦雲貴川米線嘅價錢確實有啲太貴，所以都有一定期望。話說我哋一行四人，叫咗3碗相同辣度嘅酸辣米線，我哋已經唔係同香港比較，自己同自己比，點解有啲勁油，有啲就勁多辣椒，但明明係相同辣度嘅酸辣米線，味道竟然完全唔同，相信唯一相同嘅係，三碗都係完全唔酸！至於米線同配料嘅份量都係勁少，湯底係會將米線同配料蓋過，賣相確實一般。而每張枱都聽到有人話漏餸，所以上枱時，一定要睇清楚啲配料齊唔齊呀！除咗漏餸，亦會漏單，我哋明明一齊落單，但其中一碗米線足足遲咗30分鐘，中途試過追問過，但都一直做新單，唔補返呢張漏單，我真係唔明倫敦雲貴川米線點解要收我12.5%服務費。至於配料方面，一定唔可以叫豬紅，因為係彈牙架！但有碗話碗，個腩肉做得入味，唔錯！
英國倫敦米線2026 | 倫敦雲貴川米線：麻辣皮蛋
英國倫敦米線2026 | 倫敦雲貴川米線 | 皮蛋嘅外皮有啲硬，質感似食鐵蛋，好彩蛋黃心仲係啫喱狀態。至於皮蛋上面嘅麻辣醬，就完全未同皮蛋融合，整體嚟講唔建議。
英國倫敦米線2026 | 倫敦雲貴川米線：蒜泥白肉
英國倫敦米線2026 | 倫敦雲貴川米線 | 一層肥一層瘦嘅白肉，加上蒜泥，蒜香味濃郁，味道有驚喜！
英國倫敦米線2026 | 倫敦雲貴川米線：麻辣雞翼
英國倫敦米線2026 | 倫敦雲貴川米線 | 完全無麻辣味，入面啲肉更加係無味，我都唔知自己食緊咩。
英國倫敦米線2026 | 倫敦雲貴川米線：凍檸茶
英國倫敦米線2026 | 倫敦雲貴川米線 | 呢杯凍檸茶，茶底都唔錯，不過，略嫌細杯。
英國倫敦米線2026 | 倫敦雲貴川米線：總結
英國倫敦米線2026 | 倫敦雲貴川米線 | 總結嚟講，呢個價錢同食物出品，我哋嘅感覺係唔會再有第二次。我都係食番自己煮，只有50%相似嘅神還原三哥米線啦！
英國倫敦米線2026 | 倫敦雲貴川米線 Yun Gui Chuan Rice Noodle
地址：76 Brick Ln, London E1 6RL
電話：+44 020 3592 6257
營業時間：星期二至星期日 12:00-20:00
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
