Mayfield Lavender Farm：一小時即達倫敦薰衣草花海，連交通、門票、最佳賞花時間全攻略
每年夏天，又係去倫敦薰衣草花海朝聖嘅日子！距離倫敦市中心約一小時車程，佔地約25英畝嘅Mayfield Lavender Farm，每年6月至8月都會被盛放的紫色花海覆蓋，散發淡淡薰衣草花香呢！除咗可以漫步於一望無際嘅倫敦薰衣草花海之外，Mayfield Lavender Farm仲設有特色打卡裝置、薰衣草主題美食、精品商店，以及季節限定的薰衣草雪糕。如果夏天想計劃倫敦近郊一日遊，即睇以下Mayfield Lavender Farm嘅交通、門票、最佳賞花時間嘅打卡全攻略，讓你一小時即達倫敦薰衣草花海之中。
倫敦薰衣草農場：Mayfield Lavender Farm
Mayfield Lavender Farm交通：如何前往倫敦薰衣草農場？
地址：1 Carshalton Rd, Banstead SM7 3JA
公共交通工具
Mayfield Lavender Farm是其中一個由市中心最容易就去到嘅倫敦薰衣草農場。只要從倫敦Victoria乘坐火車至Banstead，到達Banstead站後，轉乘166號巴士即可直達Mayfield Lavender Farm，車程約1小時10分鐘。
自駕
喺倫敦希斯路機場落機之外，如果計劃租車自駕遊，只需約50分鐘即可到達Mayfield Lavender Farm，倫敦薰衣草農場內亦設有免費停車場，非常適合自駕遊呢！
Mayfield Lavender Farm開放日期：倫敦薰衣草最佳賞花時間
Mayfield Lavender Farm每年因應花期而開放，預計開放日期為6月6日至8月23日（請瀏覽官方網站嘅最新公佈）
倫敦薰衣草最佳賞花時間
6月初：開始開花
6月底至7月中：花況最佳
7月中至8月初：全年最美
8月中：部分花田開始收割
如果想欣賞最漂亮嘅倫敦薰衣草花海，建議於7月中至8月初前往，屆時薰衣草進入盛開期，整片花田形成一望無際的紫色花海。
Mayfield Lavender Farm門票｜票價及預約方式
Mayfield Lavender Farm票價
成人（12歲以上）：£7.50起
小童（4–11歲）：£2.50起
3歲以下：免費
家庭票（2大2小）：£18
倫敦薰衣草花海旺季期間，建議於官方網站預先購買門票，以免門票售罄而無法入場。
Mayfield Lavender Farm打卡攻略：5大倫敦薰衣草拍照位置
1. 薰衣草小火車Lobby-Loo
佔地約25英畝嘅Mayfield Lavender Farm絕對唔細，想行晒一整圈嘅倫敦薰衣草花海，建議乘坐薰衣草小火車，除咗可以輕鬆欣賞薰衣草之外，更隨行駛中嘅小火車，微風吹送薰衣草嘅香味，非常寫意。
2. 薰衣草小徑
一望無際嘅薰衣草花田係Mayfield Lavender Farm嘅標誌，嚟到當然要影相打卡啦！喺倫敦薰衣草花海旺季期間，行走於薰衣草小徑，真係沉浸於紫色花海當中，絕對媲美北海道嘅富良野！
3. 英倫電話亭
為咗證明自己係身處英國嘅倫敦薰衣草花海，極具英倫風嘅紅色電話亭又點少得呢！加上紫色薰衣草做背景，係每個人去Mayfield Lavender Farm必影嘅打卡相之一。
4. 愛心木凳
如果想影全家幅嘅話，喺倫敦薰衣草花海中就有一張心形木凳裝置，帶定腳架，輕鬆就影到最靚嘅團體合照啦！
5. 復古拖拉機
如果之前嘅打卡相太少女心，想影啲man少少嘅相，呢架充滿英倫農村風格嘅拖拉機就啱晒你，同樣配襯倫敦薰衣草花海景，絕對令你難忘！
Mayfield Lavender Farm：參觀小提示
● 著白色或淺色衫
● 衫褲不要太花巧
● 準備帽或太陽眼鏡等防曬用品
● 只行走於小徑上，避免踩進薰衣草花田
Mayfield Lavender Farm美食：必食薰衣草雪糕
喺倫敦薰衣草花田玩到攰，就梗係要食吓嘢啦！Mayfield Lavender Farm內設有多架美食車，熱狗、英式炸物小食、啤酒等都有，而旁邊亦設有野餐區，大家亦可以自備食物，喺倫敦薰衣草花海景中品嚐美食。而嚟到倫敦薰衣草農場必試嘅就梗係薰衣草雪糕啦，雪糕散發淡淡薰衣草花香，配上香濃牛奶味，甜而不膩，係遊客到訪倫敦薰衣草農場必試嘅甜品。
Mayfield Lavender Farm商店：必買薰衣草手信
Mayfield Lavender Farm內亦設有手信店，售賣大量利用農場自家種植薰衣草製作的產品，包括薰衣草精油、薰衣草擴香器、薰衣草護手霜、浴球、香薰蠟燭、花茶、香包、乾薰衣草花束等，為旅程留下一個回憶！
Mayfield Lavender Farm鄰近景點：Mayfield Lavender Glasshouse
Mayfield Lavender Glasshouse係另一個較少人知道嘅倫敦薰衣草秘境！相比Mayfield Lavender Farm，Glasshouse規模較小，但遊客相對較少，可以更寧靜賞花同打卡倫敦薰衣草花海呢！而Glasshouse嘅賣點，係可於玻璃屋入邊嘅餐廳享用薰衣草主題下午茶，英倫風大大提升呢！
地址：139 Reigate Rd, Epsom KT17 3DW
交通：由倫敦Victoria乘坐火車至Epsom Downs，落車後行10分鐘即可到達
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
