【出發吧，麻瓜！】一文睇清英國倫敦哈利波特影城交通、門票優惠、必玩打卡景點
作為《哈利波特》嘅粉絲，嚟到英國當然要進入魔法世界，所以出發吧，麻瓜！英國其實有唔少哈利波特景點，例如倫敦嘅國王十字車站嘅九又四分三月台、諾森伯蘭郡嘅安尼克城堡等等。但講到哈粉要朝聖嘅地方，當然就係倫敦嘅哈利波特影城啦！本文會詳細介紹哈利波特影城交通、門票優惠、必玩打卡景點等最強攻略。
哈利波特影城：前往方法
火車：離哈利波特影城最近嘅火車站係Watford Junctio站，一出站就會見到前往哈利波特影城嘅巴士，大概15分鐘就會到達哈利波特影城
巴士：哈利波特影城亦提供倫敦國王十字車站和倫敦維多利亞車站出發的往返交通及門票套票
自駕遊：只要出示哈利波特影城嘅入場門飛，即可以免費泊車
飛天掃帚、港口鑰、呼嚕粉：首先我要認識一個巫師
哈利波特影城：門票優惠
經Klook或KKDay預訂哈利波特影城往返交通及門票，可享優惠票價。哈利波特影城係近年英國最熱門嘅景點，所以建議大家提前一個月預訂。
1. 哈利波特影城：必玩打卡景點 – 霍格華茲大廳
每次睇《哈利波特》嘅電影見到霍格華茲大廳，都會覺得非常震撼，所以哈利波特影城嘅第一站就帶我哋嚟到霍格華茲大廳喇！霍格華茲大廳兩房都有石像、四間學院（葛來分多、史萊哲林、雷文克勞及赫夫帕夫）嘅餐枱同校服、而講台上面就有鄧不利多同霍格華茲嘅教授服飾等，非常華麗。
2. 哈利波特影城：必玩打卡景點 – 道具、化妝、髮型、服裝展示區
離開霍格華茲大廳後，就可以了解拍攝《哈利波特》嘅道具、化妝、髮型同服裝等展區，更可以睇到七大佛地魔分靈體嘅死神聖物。
3. 哈利波特影城：必玩打卡景點 – 霍格華茲拍攝場景
霍格華茲學園喺《哈利波特》最重要嘅場景，除咗之前提及嘅霍格華茲大廳之外，喺霍格華茲拍攝場景區域，可以親眼睇到葛萊芬多男生宿舍、葛萊芬多交誼廳、魔藥學教室、校長室、海格小屋，甚至係衛斯理家族嘅屋企。
4. 哈利波特影城：必玩打卡景點 – 學習魔法
相信每一位麻瓜都想學習魔法，喺哈利波特影城就有呢個機會喇！大家可以喺哈利波特影城嘗試飛天掃帚飛行體驗呀！
5. 哈利波特影城：必玩打卡景點 – 禁忌森林
仲記得鄧不利多校長講過，禁忌森林唔可以進入，但而家我哋即將要進入禁忌森林啦！喺禁忌森林入面，大家可以見到鷹馬巴嘴、蜘蛛精阿辣哥等生物，配合音響同燈光效果，真係令人非常投入。
6. 哈利波特影城：必玩打卡景點 – 九又四分三月台及霍格華茲特快列車
各位麻瓜終於成功衝入去九又四分三月台喇！喺月台上泊咗霍格華茲特快列車，大家可以登上火車，喺唔同車箱回顧哈利波特同榮恩初相識嘅片段。
7. 哈利波特影城：必玩打卡景點 – 戶外區
喺戶外嘅區域，最吸引嘅當然就係《哈利波特－阿茲卡班的逃犯》出現嘅騎士公車、同埋《哈利波特：神秘的魔法石》出現嘅巫師棋。
8. 哈利波特影城：必玩打卡景點 – 高科技道具
喺每一套《哈利波特》電影入面，大家都見到唔少魔法場面，要做到呢啲效果，除咗後期製作，有一啲嘢就要透過高科技嘅道具，讓大家睇得更投入。喺呢個區域，大家可以睇到《怪獸的怪獸書》、半獸人、海格、家庭小精靈等，完全令你估唔到，確實大開眼界。
9. 哈利波特影城：必玩打卡景點 – 斜角巷
魔法世界嘅購物點，當然唔少得斜角巷。喺斜角巷大家可以睇到華麗與污痕書店、破釜酒吧、奧利凡德魔杖店、衛氏巫師法寶店等舖頭。
10. 哈利波特影城：必玩打卡景點 – 霍格華茲城堡
喺哈利波特影城嘅最後一站，就嚟到霍格華茲嘅城堡，呢個城堡模型非常細緻。但唔好以為呢個只係一個普通模型咁簡單，原來喺拍攝嘅時候，攝影師透過唔同嘅拍攝技巧，將呢間霍格華茲好似好大咁呈現銀幕。
世界各地／香港景點門票邊度買至平？
詳情請睇：https://wp.me/p8vzXP-6G
倫敦哈利波特影城 Warner Bros. Studio Tour London
地址：Studio Tour Dr, Leavesden, Watford WD25 7LR
電話：+44 080 0640 4550
營業時間：星期一至星期二及星期六及日 08:30-22:00、星期三至星期五 09:30-22:00
購買門飛：TICKETS
（記住Like同Share畀朋友）
想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com
