【首爾南怡島一日遊】秋遊首爾賞紅葉 一天團玩南怡島

【首爾南怡島一日遊】A姐話韓國一年四季分明，無論咩季節都可以嚟SHOPPING！！但怕凍嘅我，怕熱嘅A姐，今次就揀咗秋天嚟韓國，除咗俾個機會A姐去瘋狂shopping，更重要係今次嚟韓國可以睇紅葉！首爾市內睇紅葉通常都離不開南山公園，而近郊主要就係南怡島，所以我哋今次就參加咗Klook嘅一天團，玩南怡島+江村鐵道自行車+小法國村。

首爾南怡島一日遊 | 南怡島

首爾南怡島一日遊 | 第一站就嚟到南怡島，自從韓劇《冬季戀歌》之後，南怡島就成為遊韓嘅熱門景點喇！要入南怡島可以坐船或者利用長940公尺嘅高空滑索飛入去。因為今日入島嘅人比較多，如果想飛就要等個半鐘，所以我同A姐都係坐船喇。一到南怡島就見到兩隻雪人，真係好《冬季戀歌》呀！

而南怡島嘅紅葉季係由10月中至11月初，我哋唔知係未早咗嚟，仲有好多楓樹唔夠紅呀！不過，能夠拖住A姐慢步楓葉同杏樹下，都好浪漫呀！

首爾南怡島一日遊 | 江村鐵路單車

首爾南怡島一日遊 | 原來鐵路單車係有時間表，好彩我哋跟團嚟，如果唔係可能要等成個鐘先有下一班呀！而呢個江村鐵路單車曾經成為《Running Man》同《我們結婚了》嘅取景點，所以好受歡迎架。

今日天氣超好，仲不時有涼風吹埋嚟，沿途景色都好靚呀，而我哋坐嘅係二人單車，正常嚟講唔難踩，如果你隔離位肯出吓力。但我呢個A姐只係四圍睇風景，仲話我睬得慢！

沿路除咗戶外嘅風景，仲會途經隧道，途過燈光同聲音效果，其實都唔錯！

但我睬完之後，真係抽筋呀，仲俾A姐笑我無鬼用囉！

首爾南怡島一日遊 | 小法國村

首爾南怡島一日遊 | 最後一站嚟到小法國村，呢度成名大概因為韓劇《來自星星的你》喇，其實我真係一套韓國電視劇都無睇過反而電影就有。

整個園區依照南法嘅山城建造，不過園區唔大，好彩天氣唔錯，可以同A姐不停自拍啦。

世界各地／香港景點門票邊度買至平？
–> Klook：www.klook.com <–
–> Trip.com：www.trip.com <–
–> KKday：www.kkday.com <–

仲有其他首爾一天團，可參考Klook網站
網址：www.klook.com

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com