懷特島旅遊攻略：5大必去景點、交通、美食等行程全攻略

計劃倫敦近郊旅行，總離不開牛津、劍橋、約克等歷史名城，如果諗起都覺得悶，不如去一個海島旅行啦！懷特島（Isle of Wight）位於英格蘭南岸，從倫敦出發，最快2個鐘即可到達喇！懷特島有壯麗嘅白堊岩海岸、農莊、小鎮，仲有必玩嘅懸崖吊椅等，景點非常豐富，一家大細都啱玩！如果你都想趁假期去懷特島小旅行，即睇以下5大必去懷特島景點、交通、美食等嘅一天遊全攻略，讓輕鬆規劃懷特島行程。

香港飛倫敦機票優惠

懷特島：倫敦前往懷特島交通攻略

懷特島嘅面積約等於2.6個大嶼山嘅大小，而島上主要有4個客運碼頭連接英國本土：Ryde、Fishbourne、Yarmouth、East Cowes。而Ryde及Yarmouth係遊客最常使用嘅碼頭，建議可從Ryde入Yarmouth走（或相反），以不走回頭路嘅方式暢玩懷特島。

英國火車優惠

方法一：倫敦出發去懷特島嘅Ryde

從London Waterloo乘搭火車前往Portsmouth Harbour（車程約1小時55分鐘），火車站亦同時結合碼頭設施，所以只需步行約1分鐘即可轉乘客運渡輪（此渡輪只供踩單車乘客或步兵乘客乘坐），船程約22分鐘即可到達懷特島嘅Ryde。

方法二：倫敦出發去懷特島嘅Yarmouth

從London Waterloo乘搭火車前往Lymington Pier（車程約1小時40分鐘），火車站旁邊即為碼頭，所以只需步行約1分鐘即可轉乘汽車渡輪（此渡輪可供自駕人士、踩單車或步兵乘客乘坐），船程約40分鐘即可到達懷特島嘅Yarmouth。

懷特島：島內交通

巴士

懷特島嘅公共交通其實非常方便，其中以巴士為主要出行選擇！到達碼頭後，可以直接乘坐巴士前往鄰近嘅景點；如果景點較遠而未有直達巴士，可以先坐巴士至懷特島嘅首府及交通樞紐：Newport，幾乎所有景點都可以經Newport轉車前往。如果一日內會乘搭四程或以上巴士，可以購買無限次乘搭嘅Rover Day Ticket。

主要路線包括：
1號：Newport ⇄ Cowes
3號：Newport ⇄ Ventnor
5號：Newport ⇄ East Cowes
7號：Newport ⇄ Alum Bay （連接Newport、Yarmouth、The Needles）
9號：Newport ⇄ Ryde（連接Newport、Ryde）

Needles Breezer

如果喺Yarmouth上岸嘅話，建議乘坐Needles Breezer（觀光開篷巴士）。巴士連接Yarmouth碼頭、The Needles等西海岸主要景點，有效期間無限次上落！而最大賣點係唯一可以直達The Needles Battery嘅巴士，省卻30分鐘行山路程。如果一日內會乘搭四程或以上普通巴士+觀光開蓬巴士，可以購買無限次乘搭嘅Rover + Breezer Day Ticket。

火車

如果喺Ryde上岸嘅話，可以乘坐島內唯一嘅火車呢！呢條Island Line全程設有8個車站，主要前往東岸主要嘅城鎮，如Sandown、Shanklin、Ventnor，其中Ryde Pier Head至Ryde Esplanade嘅一段係碼頭上穿梭，堪稱千與千尋同款海上列車，打卡一流。

懷特島：必去景點

1. The Needles

The Needles係懷特島自由行必去嘅景點！The Needles被譽為英國版嘅十二門徒石，經過海浪長年侵蝕後，逐漸形成三座白色石灰岩海柱嘅巨石，成為懷特島最具代表性嘅地標。

2. The Needles Chairlift

嚟到懷特島，The Needles Chairlift可以話係必玩嘅設施！由懸崖頂部一路下降至海邊，從山林景色變成海洋美景，仲可以遠眺The Needles添！雖然呢架吊車收費唔平，但沿途景色真係非常震撼，值得一坐。到達沙灘後，除咗游水同曬太陽之外，仲可以坐船，近距離欣賞The Needles嘅景色。

3. The Needles Old Battery

想睇最靚嘅The Needles全景，其實唔係The Needles Viewpoint，反而係要去The Needles Old Battery。The Needles Old Battery係昔日嘅軍事戰略用地，依家開放地下隧道、軍事房間同炮台等設施，可以了解英國海岸防衛歷史。但其實登上炮台頂部，可以睇到The Needles嘅全景，係觀賞The Needles嘅最佳位置！

4. Newport

Newport係懷特島嘅最大城鎮，大街有唔少商店、咖啡店同超級市場，除咗可以補給島上所需之外，更加係懷特島嘅交通樞紐，而大部份巴士都以Newport作為起點同總站架！由於交通方便，所以去懷特島自由行嘅遊客，大部份都會住喺Newport市內嘅酒店，行程會更為方便。

5. Ryde

Ryde係懷特島上最近英國本土嘅小鎮，提供往返英國Portsmouth嘅高速船服務。另外，Ryde亦有島上最具人氣嘅沙灘，加上附近嘅餐廳、酒吧同地道商店，極具渡假氣氛！喺Ryde嘅碼頭，記住坐埋堪稱千與千尋同款嘅海邊碼頭火車，欣賞海峽景色。

懷特島：必吃美食

1. The Blue Crab

位於懷特島Yarmouth嘅The Blue Crab，係一間抵食嘅英式海鮮餐廳，主打嘅蟹肉三文治係必食嘅名物，啲蟹肉多到跌晒出嚟，而且價錢一啲都唔貴呢！

2. 懷特島牛奶

懷特島亦有出產本地牛奶，由於出產數量唔多，所以只可以喺懷特島搵到，所以嚟到就梗係唔可以錯過啦！

懷特島：行程建議

一天遊

London Waterloo → Lymington Pier → 懷特島 Yarmouth → Needles Breezer → The Needles → The Needles Chairlift → Alum Bay → The Needles Old Battery → Yarmouth 海濱 → 返回倫敦

兩天遊

Day1：London Waterloo → Portsmouth Harbour → 懷特島 Ryde → Island Line → Shanklin → Newport（住宿）
Day2：Newport → The Needles → The Needles Chairlift → The Needles Old Battery → Yarmouth 海濱 → 返回倫敦

懷特島：旅遊小貼士

1. 最佳旅遊季節

5–6月：天氣舒適、遊客較少，適合遠足及賞花
7–8月：陽光充足，是沙灘、開篷巴士及海上活動的旺季，但亦是旅遊高峰期
9月：氣溫仍然宜人，人流開始減少，是不少當地人推薦的旅遊季節
10月至翌年4月：部分觀光設施及開篷巴士或會縮短營業時間，出發前宜先查詢開放安排

2. 建議行程日數

雖然懷特島距離倫敦約2小時車程，但由於島上景點分散，一天時間主要只能遊覽 The Needles、Yarmouth等西部景點。如果想體驗島上的海濱小鎮、乘坐 Island Line 火車，又或者慢慢欣賞海岸風景，建議安排兩日一夜，時間會更充裕，亦毋須趕船或趕火車。

3. 不走回頭路

如果乘搭公共交通遊覽懷特島，建議採用 「Ryde入、Yarmouth走」（或相反方向）的行程。這樣可以一路由東岸玩到西岸，不用走回頭路，亦可節省不少交通時間及交通費用。

4. 提前購買車票

由倫敦前往懷特島，可考慮購買Rail & Sail套票（目的地直接搜尋懷特島Ryde或Yarmouth），包括火車及渡輪費用，通常比單獨購票更便宜，轉乘時亦更加方便。

5. 開蓬巴士只於春夏季營運

懷特島嘅開篷巴士（Needles Breezer、Island Coaster），只於每年春季至初秋營運，如果專程想乘坐開篷巴士，建議出發前先查看當日班次。

6. 購買Rover Day Ticket更划算

如果一天內會乘搭四程或以上巴士，建議直接購買Rover Day Ticket；如果同時會乘搭 Needles Breezer 或其他觀光開蓬巴士，則可考慮 Rover + Breezer Day Ticket，可於有效期內無限次乘搭普通巴士及指定開蓬巴士，十分適合自由行旅客。

7. 穿舒適鞋履，準備上落斜路

懷特島不少人氣景點，例如 The Needles、The Needles Old Battery 及海岸步道，都需要步行一段距離，而且部分路段設有斜坡或樓梯。建議穿著舒適的運動鞋或行山鞋，避免穿高跟鞋或拖鞋。

8. 留意潮汐及天氣變化

懷特島屬海島地區，如果遇上大風、大雨或濃霧，The Needles Chairlift同遊船有機會暫停開放，出發前可先查看天氣預報，以免影響旅遊體驗。

懷特島：地圖

香港飛倫敦機票優惠

懷特島：常見問題

 （記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com