Junsei：倫敦居酒屋的炭火串燒

去居酒屋食串燒，飲杯日本燒酒或啤酒，同同事暢所欲言，絕對係日本嘅職場文化！呢種職場文化，原來依家倫敦都有呢！以居酒屋作招徠嘅Junsei，主打炭火串燒，提供正宗嘅日式燒鳥烤串，還原日本街頭風味，氛圍感滿分，但就缺少咗醉瞓街頭嘅西裝男，哈哈！

Junsei

Junsei作為燒島居酒屋，又點少得串燒呢！雞翼串燒皮脆肉嫩，油香十足，加上焦香嘅味道，充滿層次；雞心夠晒彈牙，而且焦香與調味完全蓋過內臟嘅腥味，令人欲罷不能；雞腿肉超嫩，搭配烤香嘅大蔥，充滿層次。

鮮甜嘅帆立貝配搭特色嘅日式醬汁，絕對係絕配！

除咗燒島，Junsei都有牛肉選擇，其中厚切牛舌嘅嚼勁十足，肉香爆棚，真係想encore多串呀！

想食啲飽肚嘢，Junsei都有煲仔飯！一打開煲蓋，姜蔥香味隨即湧出，香味更分佈於每粒飯粒。至於魚肉嫩滑，增加飯嘅鮮香味。

餐廳名稱：Junsei
地址：132 Seymour Pl, London W1H 1NS

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！