J7：倫敦超強氣氛的駐場音樂配中菜

享受美食佳餚，除咗食物出品之外，有時仲需要享受當中的氣氛！食西餐可能配上古典音樂、酒吧就可能配上快歌舞曲，而食中餐就當然要配上中文流行曲啦！位於倫敦Vauxhall嘅J7，餐廳有唔少港式鑊氣小炒選擇，食物出品高質，加上駐唱 Live Band唱中文歌，氣氛真係好熱烈呀！

J7 Bar &Restaurant 柒

港式嘅代表又點少得避風塘呢！J7嘅排骨即叫既炸，非常酥脆香口，加上炸香嘅蒜粒，同避風塘嘅調味，整道菜式非常惹味。

啫啫雞煲嘅煲蓋打開前，J7嘅店員會先贊酒再點火，除咗係打卡嘅菜式，更令雞煲加添酒香嘅層次同火燒嘅焦香感。啫啫雞煲嘅份量十足，雞肉非常嫩滑，但略嫌有唔少碎雞骨，食嘅時候要小心。

J7嘅牛舌嘅火喉控制得啱啱好，肉質唔會乾柴死實，肉味香濃；而拌碟嘅菌菇同樣惹味，絕不比主角嘅牛舌失色。

通菜係我哋最鍾意嘅菜，見到J7嘅餐牌有，唔洗諗即叫！通菜嘅葉索晒腐乳嘅鹹香味，至於莖部爽脆，絕對合格。

餐廳名稱：J7 Bar &Restaurant 柒
地址：77 Albert Embankment, London SE1 7TP

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！