2026 英國超市完整攻略：10 大超市比較、價位分析與省錢秘訣

英國超市購物必讀指南

移居英國或者計劃喺英國生活嘅朋友，超級市場絕對係日常生活中最常去嘅地方。英國超市種類好多，由平價超市到高檔超市各有特色，了解唔同超市嘅定位、價錢同優惠策略，可以幫你大幅節省生活開支。今次會深入分析 10 大英國超級市場，涵蓋價位比較、會員計劃、亞洲食品選擇同埋購物攻略，等你輕鬆掌握英國超市購物技巧。

英國超市價位分級指南

英國超級市場按價位可以分為四個等級，了解各級別特色有助規劃購物策略：

超低價超市

以 Lidl 同 ALDI 為代表，主打自家品牌商品，價錢比一般超市平約 20% 至 30%，啱預算有限嘅消費者。

平價超市

包括 ASDA、Sainsbury’s 同埋 Tesco，提供多元化商品選擇，價錢適中，分店遍佈全英，係大部分家庭嘅首選。

中價超市

Marks & Spencer Food、Morrisons 同埋 Co-Op 屬於中價位超市，商品質素較高，價錢略高於平價超市。

高價超市

Waitrose 定位高端市場，提供優質商品同服務，價錢相對較高，啱追求品質嘅消費者。

10 大英國超市詳細分析

Tesco 係英國最大規模嘅連鎖超市品牌，全英擁有超過 3,000 間分店，無論你身處邊度，都總會搵到附近嘅 Tesco。整體價格水平同 Sainsbury’s 相若，但勝在商品選擇極多、供應穩定，而且分店類型多元，包括 Tesco Extra、Tesco Superstore 及 Tesco Express，可因應唔同購物需要靈活選擇。

超市類型：

• Tesco Extra： 大型旗艦店，提供最齊全嘅商品選擇，包括電器、衫褲、文具等非食品類商品，部分分店 24 小時營業(週末除外)。
• Tesco Superstore： 中型超市，商品選擇豐富，非食品類商品比 Extra 少啲。
• Tesco Express： 小型便利店，提供基本生活必需品同新鮮食材。

價格定位： 平價超市，價錢同 Sainsbury’s 差唔多，部分商品同 ALDI 價錢睇齊。

會員計劃： Tesco Clubcard 係必備會員卡，有大量會員專屬優惠，每次購物可以儲分換現金券，定期推出加倍積分優惠。

禮品卡：JamDoughnut：大家仲可以喺 JamDoughnut 買 Tesco Gift Card，享高達 3.6% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！

亞洲食品選擇： 有 World Food 專區，提供豉油、麵、日本米、麵豉、紫菜、豆腐等亞洲食材，部分分店有李錦記、淘大、維他奶、日清等品牌。

購物建議： 申請 Clubcard 同留意會員專屬優惠，大型採購建議去 Tesco Extra。

 

 

英國超市 #2 Sainsbury’s — 英國第二大超市

Sainsbury’s 係英國第二大連鎖超市品牌，全英擁有 1,400 多間分店，涵蓋大型超市及小型便利店 Sainsbury’s Local，無論市中心定住宅區都非常常見。店舖環境整潔，商品種類齊全，整體價格較 Waitrose 或 M&S Food 等高端超市更親民，十分適合作為日常買餸嘅主力選擇。

超市類型：

• Sainsbury’s Superstore： 大型超市，有熟食檔同麵包舖。
• Sainsbury’s Local： 便利店規模，提供日常必需品。

價格定位： 平價超市，價錢比 Waitrose 同 M&S Food 平，同 Tesco 價位差唔多。

會員計劃： Nectar 會員計劃類似香港易賞錢，可以喺 Sainsbury’s、Argos、eBay、Esso 等合作商戶儲分，根據購買習慣提供個人化優惠券同 My Nectar Prices 專屬優惠。

禮品卡：JamDoughnut：大家仲可以喺 JamDoughnut 買 Sainsbury Gift Card，享高達 3.15% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！

亞洲食品選擇： 有 World Food 專區，提供出前一丁(歐洲版)、韓國辛拉麵、李錦記醬汁等亞洲食品。

購物建議： 申請 Nectar 卡享受跨品牌積分累積，留意 SmartShop 應用程式嘅專屬優惠。

 

 

英國超市 #3 ASDA — Walmart 旗下平價超市

ASDA 係英國主要嘅大型連鎖超市品牌之一，隸屬 Walmart 集團，全英擁有超過 600 間分店，主打價格實惠、貨品選擇多。店舖多數設於郊區或大型購物園區，適合駕車一次過大量採購。

超市類型： 以 Superstore 大型店為主，部分分店 24 小時營業(週末除外)，有眼鏡店、藥房、戶外傢俬部，滿足一站式購物需求。

價格定位： 平價超市，價錢比 Tesco 同 Sainsbury’s 平，啱大量採購。

會員計劃： ASDA Rewards 會員計劃，完成指定購物任務可以賺獎勵同優惠券，精選產品有額外折扣。

禮品卡：

• JamDoughnut：大家仲可以喺 JamDoughnut 買 ASDA Gift Card，享高達 3.4% 回贈，只需要下載 JamDoughnut手機App，用推薦碼Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！
• TopCashBack：大家仲可以喺 TopCashBack 買 ASDA Gift Card，有 1.6% 回贈，真係抵上加抵！大家可用呢條 專屬連結 登記 TopCashBack 户口，即享 £10 登記獎賞（利申：我哋亦同時可以獲得獎賞）！

亞洲食品選擇： 提供出前一丁、辛拉麵、李錦記醬汁等亞洲食品選擇。

購物建議： 啱揸車去做大量採購，申請 ASDA Rewards 享受任務獎勵。

 

 

英國超市 #4 Morrisons — 新鮮食品專家

Morrisons 以 Market Street 概念主打新鮮食品，超市規模通常較大。雖然分店數量較 Tesco 或 Sainsbury’s 少，但全英仍有約 400 多間分店。如果你居住嘅地區附近有 Morrisons，絕對值得專程去逛一轉。

價格定位： 平價超市，價錢同 Tesco 差唔多，有時仲平啲。

特色： 肉類同海鮮好新鮮而且價錢合理，麵包房出品優質，店內咖啡廳嘅早餐好受歡迎。

會員計劃：My Morrisons 會員計劃儲分，會根據你購買嘅貨品，送你專屬嘅優惠券。

禮品卡：

• JamDoughnut：大家仲可以喺 JamDoughnut 買 Morrisions Gift Card，享高達 3.9% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！
• TopCashBack：大家仲可以喺 TopCashBack 買 Morrisons Gift Card，有 2.5% 回贈，真係抵上加抵！大家可用呢條 專屬連結 登記 TopCashBack 户口，即享 £10 登記獎賞（利申：我哋亦同時可以獲得獎賞）！

購物建議： 買新鮮肉類、海鮮同麵包嘅首選超市，建議順便試吓店內咖啡廳嘅早餐。

 

英國超市 #5 Marks & Spencer Food — 英國高質超市

Marks & Spencer 有 130+ 年歷史，專營高品質自家品牌食品、衫褲同家居用品，係英國人高度信賴嘅品牌，當中以 M&S Food 最為人熟悉，主打高品質食材同自家品牌食品，對唔少香港人嚟講亦相當有親切感。相比香港，英國本地嘅 M&S 價格明顯更親民，性價比相對更高。M&S Food 特別適合選購 餅乾、薯片、Wine Gums 等零食，而其自家品牌甜品同即食食品選擇豐富、口味多元，品質穩定。

超市類型：

• M&S Foodhall： 獨立食品超市。
• M&S Simply Food： 喺市中心同火車站嘅便利店。

價格定位： 中高價超市

特色： 主打高品質自家品牌商品，近年引入其他品牌增加選擇，2020 年起同 Ocado 合作提供網上購物送貨服務。

會員計劃： Sparks 會員計劃提供個人化優惠，例如衫褲 20% 折扣等。

禮品卡：

• JamDoughnut：大家仲可以喺 JamDoughnut 買 Marks and Spencer Gift Card，享高達 5.4% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！
• TopCashBack：大家仲可以喺 TopCashBack 買 M&S Gift Card，有 4.75% 回贈，真係抵上加抵！大家可用呢條 專屬連結 登記 TopCashBack 户口，即享 £10 登記獎賞（利申：我哋亦同時可以獲得獎賞）！

購物建議： 追求食品品質嘅消費者首選，留意定期推出嘅優惠活動。

 

 

英國超市 #6 Waitrose — 英國高檔超市

Waitrose 係英國其中一個最具代表性嘅高端超市品牌，隸屬 John Lewis 集團，全英擁有超過 300 間分店。店內規劃清晰，設有多個專業食品專區，例如 海鮮櫃檯（Fishmonger）、鮮肉部（Butcher）、烘焙區（Bakery），部分分店更提供即製壽司專區，主打新鮮、優質食材。Waitrose 一向以 蔬果品質高、食材來源透明見稱，並獲得英國皇家認證（Royal Warrant），品質與信譽皆有保證。由於品牌定位偏向高端，整體價格水平相對較高，特別適合重視食材品質、追求高質生活體驗嘅消費者。

價格定位： 高價超市

特色： 提供高品質商品同優質購物環境，商品選擇注重品質多過價錢。

會員計劃：大家記住申請 MyWaitrose 會員，雖然唔係一個儲分嘅計劃，但係會根據你購買嘅貨品，送你個人化嘅優惠券。會員仲專享海鮮檔、肉檔等嘅限定 8 折優惠。另外，Waitrose 仲為會員提供免費咖啡或茶。

禮品卡：

• JamDoughnut：大家仲可以喺 JamDoughnut 買 Waitrose Gift Card，享高達 4% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！
• TopCashBack：大家仲可以喺 TopCashBack 買 John Lewis & Partners Giftcard，有 2.5% 回贈，真係抵上加抵！大家可用呢條 專屬連結 登記 TopCashBack 户口，即享 £10 登記獎賞（利申：我哋亦同時可以獲得獎賞）！

購物建議： 啱追求高品質商品同購物體驗嘅消費者，可以喺特價時段買優質商品。

 

英國超市 #7 Lidl — 超低價連鎖

Lidl 係嚟自德國嘅超低價超市品牌，喺英國有超過 800 間分店，以高性價比同頻繁優惠聞名。品牌主打「同類產品價錢比其他英國超市平均低約 20%」，深受學生、家庭同精明消費者歡迎。

價格定位： 超低價超市，廣告強調比其他超市平約 20%。

特色： 主要賣自家品牌商品，蔬果種類齊全而且新鮮，但店鋪比較逼，商品多數用紙箱，陳列家品及特價區布局較隨意，對重視購物環境同體驗嘅顧客嚟講，可能未必係首選。。

會員計劃： Lidl Plus 會員，每個禮拜四推出新優惠券，達到指定消費金額可以攞免費麵包或者現金券。

購物建議： 預算有限嘅消費者首選，建議避開繁忙時段購物先有更好體驗。

 

英國超市 #8 ALDI — 平價超市代表

ALDI 同樣嚟自德國，喺英國有超過 900 間分店，同 Lidl 定位差唔多。ALDI 主打高質低價，深受本地家庭同留英港人歡迎。其營運模式與 Lidl 相近，以自家品牌產品為主，整體價格明顯較其他英國超市更低，但食品質素仍然有一定水準。

價格定位： 超低價超市，大部分商品係自家品牌，價錢比一般超市平。

特色： 每個禮拜推出六款新鮮食品特價，品質唔錯，店鋪環境比 Lidl 整齊。

購物建議： 注重性價比嘅消費者推薦揀，每個禮拜留意特價新鮮食品。

 

 

英國超市 #9 Co-Op — 社區便利超市

Co-Op 致力減少對環境浪費，保障員工權益，係有社會責任嘅英國超市品牌。Co-Op 有超過 2,600 間分店，但多數都係小型店舖，類似便利店，主打社區居民日常購物需求。雖然 Co-Op 嘅產品選擇較少，而且價錢比一般平價超市高，但勝在地點便利，適合隨時買少量生活用品或食品。

價格定位： 中價超市，價錢略高於平價超市。

特色： 分店位置方便，營業時間較長，啱就近買日常用品。

會員計劃：大家俾 £1 入會費，就可以加入 Co-Op Memerbship，即時會入返 £1 現金券畀你，變相免費入會。佢每星期都會提供多張優惠券俾你選擇，最多可以選擇兩張。另外，當你購買指定 Co-Op產品或服務時，每消費 £1，即可獲 2p 回贈，Co-Op 亦會將相同價錢捐畀慈善機構。

購物建議： 啱緊急購物或者就近買少量商品。

 

英國超市 #10 Iceland — 冷凍食品專門店

Iceland 專門賣冷凍食品，提供多元化嘅冷凍餐同食材，包括海鮮、肉類、蔬菜、薯條、Pizza 及雪糕等，非常適合習慣囤貨或偏好冷凍食品嘅消費者。除冷凍食品外，Iceland 亦有供應少量新鮮蔬果同家庭日用品，滿足基本生活需要。店內隨處可見嘅黃色減價標示視覺上相當吸引，令人感覺價格親民。不過，若與 ASDA、Lidl 或 ALDI 等平價超市相比，Iceland 嘅整體價格未必最平，部分產品甚至略高。即使如此，若你主要目標係集中選購冷凍食品，Iceland 依然係一個實用又方便嘅選擇。

價格定位： 平價超市，冷凍食品價錢實惠。

特色： 冷凍食品種類豐富，包括即食餐、冷凍菜、肉類同海鮮。

會員計劃：大家可以登記 Iceland Bonus Card，每次 Top up £20，即可獲 £1 回贈，仲有獨家優惠。

禮品卡：JamDoughnut：大家仲可以喺 JamDoughnut 買 Iceland Gift Card，享高達 2.4% 回贈，只需要下載 JamDoughnut手機App，用推薦碼 Referral Code：F4UW，就可以有 200 分登記獎賞，相等於 £2（利申：我哋亦同時可以獲得獎賞）！

購物建議： 啱買冷凍食品儲起，慳返煮飯時間。

 

英國超市購物慳錢攻略

善用會員計劃

幾乎所有英國超市都有會員計劃，申請會員卡可以享受專屬優惠、儲分換現金券。建議同時申請多間超市會員卡，根據優惠揀購物地點。

比較價錢同促銷

唔同超市嘅促銷活動時間同商品都唔同，購物前可以用超市應用程式睇最新優惠，規劃購物清單。

買自家品牌商品

超市自家品牌商品價錢通常比知名品牌平 20% 至 40%，品質都有保證，係慳錢嘅好選擇。

留意黃標特價商品

超市會喺商品接近保質期前貼黃色標籤減價賣，通常可以慳 30% 至 75%，啱即日或者第二日食嘅商品。

大量採購

去 ASDA、Tesco Extra 等大型超市做每個禮拜或者每個月嘅大量採購，可以減少購物次數同埋慳返交通時間同錢。

用購物應用程式

下載超市應用程式可以隨時睇優惠、管理會員積分、規劃購物清單，部分應用程式仲有掃描購物功能，提升購物效率。

英國超市亞洲食品採購指南

對於亞洲移民同留學生嚟講，喺英國超市買亞洲食品係日常需求。以下超市提供比較多亞洲食品選擇：

• Tesco： 有 World Food 專區，提供豉油、麵、日本米、麵豉、豆腐、李錦記、淘大、維他奶、日清等。
• Sainsbury’s： World Food 專區提供出前一丁(歐洲版)、韓國辛拉麵、李錦記醬汁等。
• ASDA： 亞洲食品選擇包括出前一丁、辛拉麵、李錦記醬汁等。

建議： 如果需要更多亞洲食材選擇，可以去倫敦唐人街或者其他城市嘅亞洲超市買。

英國超市網上購物同送貨服務

大部分英國超市都有網上購物同送貨服務，方便忙碌或者行動不便嘅消費者：

• Tesco： 提供網上購物送貨服務，可以預約送貨時段。
• Sainsbury’s： 網上購物平台完善，送貨服務覆蓋範圍好廣。
• ASDA： 提供網上購物同到店攞貨服務。
• Marks & Spencer： 同 Ocado 合作提供網上購物送貨。
• Waitrose： 同 Ocado 合作提供高品質網上購物體驗。

建議： 第一次訂購通常有優惠，可以留意促銷代碼慳返運費。

英國超市營業時間同假日安排

英國超市營業時間因為店鋪類型同地點而唔同：

平日： 大型超市通常朝早 7 點或者 8 點開門，夜晚 10 點或者 11 點關門，部分 24 小時營業。

星期日： 受法例限制，大型超市營業時間縮短，通常係上晝 10 點至下晝 4 點或者夜晚 6 點。

公眾假期： 聖誕節、復活節等重要節日，超市營業時間會調整或者暫停營業，建議提早查詢。

建議： 用超市網站或者應用程式查具體分店嘅營業時間。

總結

揀啱嘅英國超市可以大大提升生活品質同慳錢。平價超市好似 Lidl 同 ALDI 啱預算有限嘅消費者，平價超市好似 Tesco、Sainsbury’s 同 ASDA 提供多元選擇同方便性，中高價超市好似 M&S Food 同 Waitrose 就啱追求品質嘅消費者。善用會員計劃、比較價錢、買自家品牌商品同埋留意促銷活動，都係聰明購物嘅關鍵策略。

相關文章推薦

• Octopus Energy 英國電費推薦2026：Agile Tariff 負電費實測與£50回贈攻略
• 16個英國慳錢攻略2026 英國移民生活必睇優惠 購物/交通出行/電費/飲食/娛樂/現金回贈
• 英國慳錢手機 App 2026 下載Shopmium即送你吉百利朱古力

 

常見問題

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！
Facebook：A姐M佬 玩樂日記
Instagram：AandMDiary
Openrice：A姐M佬
大眾點評：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com