京香餃：天后的爆汁新鮮水餃

食水餃除咗要皮薄餡靚，更重要梗係爆汁啦！位於天后嘅京香餃，主打北方風味手工水餃，雖然係小店式經營，但對食材非常講究！京香餃嘅水餃每日人手新鮮製作，務求做到每一啖都爆汁又有層次，絕對係天后級別嘅味道。

京香餃

口感爽滑配海蜇皮，配上麻辣嘅刺激感，成為醒胃嘅頭盤小食。

醉雞浸泡喺酒汁之中，每塊雞肉都滲透住濃郁嘅酒香，香而不苦。另外，肉質鮮甜嫩滑，仲食到當中枸杞嘅甜味，極具層次。

雙拼水餃揀咗花素水餃同三鮮水餃。其中三鮮水餃有韭黃、鮮蝦同豬肉，味道豐富，既有韭黃嘅清香爽嫩、又有鮮蝦嘅彈牙同鮮味、仲有豬肉嘅油香，口感一流又會爆汁。想食得健康啲，京香餃都有素食版嘅花素水餃，餡料包含菇菌、木耳及蔬菜，味道清新爽口，而且加入咗菇菌，亦做到爆汁嘅效果。

餐廳名稱：京香餃 Home Town Dumpling
地址：天后清風街2號福華大廈地下A號舖
營業時間：星期一至日 11:00 – 22:00

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！