英國法恩堡國際航空展2026：必睇飛行示範、最新焦點及參觀攻略

英國法恩堡國際航空展（Farnborough International Airshow）係全球三大航展之一，嚟自世界各地嘅飛機製造商、航空公司、國防企業及太空科技公司將齊聚法恩堡，展示最新嘅航天技術、新型號飛機，甚至航空業未來嘅發展！法恩堡國際航空展除咗係全球重要商貿平台之外，更有不同嘅飛行示範同表演，絕對係航空迷嘅朝聖之地！

法恩堡國際航空展2026：展會資料

展覽名稱：法恩堡國際航空展 Farnborough International Airshow
展覽日期：2026年7月20日至7月24日（2024年7月24日為公眾日）
展覽時間：09:00-17:30
門票費用：￡36（22-64歲）、￡32（65歲或以上），21歲或以下免費入場
舉辦地址：Show Centre, ETPS Road, Farnborough, GU14 6FD

法恩堡國際航空展2026：前往方法

火車

於倫敦乘坐火車至法恩堡主站（Farnborough Main）、北營（North Camp）或奧爾德肖特（Aldershot）後，可轉乘免費接駁車至會場門口

自駕遊

法恩堡國際航空展於Queens Parade設有免費停車場，停車後，可轉乘免費接駁車至會場門口

法恩堡國際航空展2026：主題

今屆英法恩堡國際航空展有超過1600間廠商同單位參展，比上屆（2024年）多咗15%，其中有不少於20%更為首度參展！法恩堡國際航空展2026分為6大參觀區域，內容圍繞六大主題：全球安全（Global Security）、先進科技與人工智能（Advanced Technology & AI）、可持續發展（Sustainability）、航空供應鏈（Supply Chain）、航空金融（Finance）、
未來航空人才（Future Workforce），展覽期間有唔少航空業內嘅專業論壇同研討會，探討航空業嘅最新技術和發展趨勢。

至於今屆英法恩堡國際航空展嘅飛機明星就包括波音 MQ-28 幽靈蝙蝠；及首次公開嘅電動垂直升降飛行器，首次公開示範由直升機模式切換至飛機模式嘅科技。

法恩堡國際航空展2026：大型訂單

法恩堡國際航空展嘅民航機焦點，就落入最長飛行時間可達22小時嘅A350-1000ULR，乘客即將可以乘坐有「日出計劃」之稱嘅悉尼直飛倫敦航線，實現唔洗轉機即可連接最遙遠嘅兩洲！另外，法恩堡國際航空展亦係全球重要嘅航空商貿平台之一，而今屆最大嘅買家嚟自利雅得航空，共訂購28架波音787同6架空中巴士A350-1000作為未來嘅主力機隊；而菲律賓航空亦訂購15架波音787，以提升長途航線運力。

法恩堡國際航空展2026：飛行示範

飛行示範係每個航空展嘅重點項目，而法恩堡國際航空展每日都有唔同嘅飛機輪流升空（記住留意法恩堡國際航空展每日公佈嘅飛行示範時間表），配合現場廣播講解，讓觀眾近距離欣賞飛機嘅性能，航空迷又點可以錯過呢！除咗最新型號嘅民航客機，仲有軍機、懷舊飛機，甚至跳降傘等表演。講到最唔可以錯過嘅就一定係軍機嘅飛行示範，機師會展示軍機嘅速度同靈活性，包括高速爬升、急轉彎、低空高速飛行及高機動展示，真係非常刺激。

另外，英國陸軍降落傘隊同軍機彩色煙霧飛行表演亦係每屆最精彩的表演之一！降落傘隊跳出飛機，拖住大型英國國旗同釋放紅色煙霧，睇到目瞪口呆；至於軍機彩色煙霧飛行表演嘅五架軍機一齊起飛，接二連三做出多個高難度嘅動作，並噴出紅、藍、綠、白等煙霧，真係超精彩呀！

法恩堡國際航空展2026：基本資料

法恩堡國際航空展 Farnborough International Airshow
地址：Show Centre, ETPS Road, Farnborough, GU14 6FD

（記住Like同Share畀朋友）

想緊貼A姐M佬嘅吃喝玩樂資訊，快啲Follow埋下面嘅Channel啦！

Facebook：A姐M佬 玩樂日記
Instagram：AandMDiary
Openrice：A姐M佬
Trip Advisor：AandMDiary
Youtube：A姐M佬玩樂日記
報料或合作：keepintouch@aandmdiary.com